17 ނޮވެމްބަރ 2023 ވަނަ ދުވަހުގެ ހަވީރު ޖުމްހޫރީ މައިދާނުގައި ބޭއްވެވި ރައްޔިތުންގެ މަޖިލީހުގެ ޙާއްސަ ޖަލްސާއަށްފަހު ރިޔާސީ އައު ދައުރެއް މިވަނީ ފެށިފައެވެ. އަދި ދިވެހި ޖުމްހޫރިއްޔާގެ 8 ވަނަ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ ސަރުކާރުގެ 22 ވުޒާރާގެ ވަޒީރުން ވަނީ ހަމަ އެ ދުވަހު އައްޔަން ކުރައްވާފައެވެ.

ވުޒާރާތަކަށް ކަނޑައެޅުއްވި ވަޒީރުން ހާމަކުރެއްވިއިރު، އެ ބޭފުޅަކު ކަނޑައެޅުއްވި ވުޒާރާތަކުގެ ނަންތައް އޭރު އިނގިރޭސިން ހުރި ނަމަވެސް، ސަރުކާރުގެ އިދާރީ އޮނިގަނޑަށް ގެންނެވި ބަދަލުތަކާއެކު، ސަރުކާރުގެ ވުޒާރާތަކަށް ދިވެހިބަހުން ކިޔާނެ ނަންތައް ރައީސުލްޖުމްހޫރިއްޔާގެ އޮފީހުން މި ވަނީ އާންމުކޮށްފައެވެ.

ސަރުކާރުގެ ވުޒާރާތަކަށް ދިވެހިބަހުން ކަނޑައެޅުއްވި ނަންތައް:

Advertisement

މިނިސްޓްރީ އޮފް ޑިފެންސަށް ދިފާޢީ ވުޒާރާ

މިނިސްޓްރީ އޮފް ފޮރިން އެފެއާޒަށް ޚާރިޖީ ވުޒާރާ މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީއަށް ދާޚިލީ ސަލާމަތާއި ފަންނިއްޔާތާ ބެހޭ ވުޒާރާ މިނިސްޓްރީ އޮފް ފިނޭންސަށް މާލީ ވުޒާރާ

މިނިސްޓްރީ އޮފް އެޑިޔުކޭޝަނަށް ތަޢުލީމީ ވުޒާރާ

މިނިސްޓްރީ އޮފް ހެލްތަށް ޞިއްޙީ ވުޒާރާ

މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑަށް އިޤުތިޞާދީ ތަރައްޤީއާއި ވިޔަފާރިއާ ބެހޭ ވުޒާރާ

މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާ އެޓަރނީ ޖެނެރަލްގެ އޮފީހަށް ބަންޑާރަ ނައިބުގެ އޮފީސް

މިނިސްޓްރީ އޮފް އިސްލާމިކް އެފެއާޒަށް އިސްލާމީކަންތައްތަކާ ބެހޭ ވުޒާރާ 

މިނިސްޓްރީ އޮފް ޓޫރިޒަމަށް ފަތުރުވެރިކަމާ ބެހޭ ވުޒާރާ

މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓަށް އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާ

މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަނަށް ކުޅިވަރާއި ހަށިހެޔޮކަމާ ބެހޭ ވުޒާރާ

މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީއަށް މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާ

މިނިސްޓްރީ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓަށް ގެދޮރުވެރިކަމާއި ބިމާއި  އުމްރާނީ ތަރައްޤީއާ ބެހޭ ވުޒާރާ

މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނަށް ދަތުރުފަތުރާއި މަދަނީ އުދުހުންތަކާ ބެހޭ ވުޒާރާ މިނިސްޓްރީ އޮފް ދިވެހި ލެންގުއޭޖް، ކަލްޗަރ އެންޑް ހެރިޓޭޖަށް ދިވެހިބަހާއި ސަގާފަތާއި ތަރިކައާ ބެހޭ ވުޒާރާ

މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓަށް މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާ

މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރއަށް އިމާރާތްކުރުމާއި ބިނާރާ ބެހޭ ވުޒާރާ

މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރއަށް ދަނޑުވެރިކަމާއި ދިރޭތަކެއްޗާ ބެހޭ ވުޒާރާ 

މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސްއަށް ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވުޒާރާ

މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްއަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާ