ސާނަވީ މަރުހަލާގައި ކިޔަވާކުދިންނަށް، ޓެކްނިކަލް ވޮކޭޝަނަލް އެޑިޔުކޭޝަނަލް ކޯސްތަކުގައި ބައިވެރިވެވޭނެ މަގުފަހިކޮށްދިނުމަށް މިނިސްޓްރީ އޮފް އެޑިޔުކޭޝަނާއި، މިނިސްޓްރީ އޮފް ހަޔަރ އެޑިޔުކޭޝަނުން ފަހުމް ނާމާއެއްގައި ސޮއިކޮށްފިއެވެ.

މިފަހުމްނާމާގައި މިނިސްޓްރީ އޮފް އެޑިޔުކޭޝަންގެ ފަރާތުން ސޮއެކުރައްވާފައި ވަނީ، މިނިސްޓަރ އޮފް އެޑިޔުކޭޝަން އައިޝަތު ޢަލީ އާއި މިނިސްޓަރ އޮފް ހަޔަރ އެޑިޔުކޭޝަން، ޑރ. އިބްރާހީމް ޙަސަންއެވެ.

މިނިސްޓްރީ އޮފް އެޑިޔުކޭޝަނުން ވިދާޅުވީ، އެ ފަހުމުނާމާާގައި ސޮއިކުރުމުގެ ބޭނުމަކީ، ރާއްޖޭގެ އެކި ސަރަޙައްދުތަކުގައި ޤާއިމުކުރެވޭ ޓެކްނިކަލް އިންސްޓިޓިއުޓްތަކުގައި ކުރިއަށް ގެންދާ، ޓެކްނިކަލް ވޮކޭޝަނަލް އެޑިޔުކޭޝަނަލް ކޯސްތަކުގައި ސްކޫލް ދަރިވަރުނަށް ބައިވެރިވެވޭނެ ފުރުޞަތު ފަހިކޮށްދިނުން ކަމަށެވެ.

މިގޮތުން، މިފަހުމްނާމާގައި ސޮއެކުރެވިގެން ދިޔުމުން، ގްރޭޑް 9 އަދި 10 ގައި ތަޢުލީމު ހާސިލުކުރާ ދަރިވަރުންނަށް، މި ޓެކްނިކަލް އިންސްޓިޓިއުޓްތަކުން ހިންގާ ނޭޝަނަލް ލެވެލް ސެޓްފިކެޓް 3 އަދި 4ގެ ކޯސްތަކުގައި ބައިވެރިވެވޭނެކަމުގައި މިނިސްޓްރީ އޮފް އެޑިޔުކޭޝަނުން ވަނީ ހާމަކުރައްވާފައެވެ.