Advertisement

އިންތިހާބީ ރައީސް މުއިއްޒު ނޫސްވެރިންގެ ބައްދަލުވުމުގައި ވާހަކަދައްކަވަނީ.

14 Nov 2023
ޚަބަރު

މައުލޫމާތު ނުފޮރުވައި ނޫސްވެރިންނަށް ހާމަކުރާނަން: މުއިއްޒު

ސަރުކާރުން މައުލޫމާތު ނުފޮރާވާނެ ކަމަށާ ހުރިހާ މައުލޫމާތެއް ނޫސްވެރީންނަށް ހާމަ ކުރައްވާނެ ކަމަށް އިންތިހާބީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. މުއިއްޒު މިހެން ވިދާޅުވީ ދިވެހި ނޫސްވެރީންނާ އެކު ރޭ ބޭއްވި ބައްދަލުވުމުގައެވެ.

"ނޫސްވެރީންގެ ގުންޒަރު" ގެ ނަމުގައި ބޭއްވި މި ބައްދަލުވުމުގައި ރާއްޖޭގެ ގިނަ އަދަދެއްގެ ނޫސްވެރިން ވަނީ ބައިވެރިވެފައެވެ. މި ބައްދަލުވުމުގައި ވާހަކަދައްކަވަމުން މުއިއްޒު ވިދާޅުވީ އެމަނިކުފާނުގެ ސަރުކާރަކީ ހުޅުވާލެވިފައިވާ ސަރުކާރަކަށް ވާނެ ކަމަށެވެ. އަދި ފޮރުވާނެ ކަމެއް ނޯންނާނެ ކަމަށެވެ. ކެބިނެޓާއި ކުންފުނިތަކުގައި ވެސް ތިއްބަވާނީ އެ ސިޔާސަތު ތަންފީޒު ކުރައްވާނެ ބޭފުޅުން ކަަމަށް ރައީސް މުއިއްޒު ވިދާޅުވި އެވެ.

"އަޅުގަނޑު ދެންނެވިން ފޮރުވާނެ ކަމެއް ނޯންނާނެ އޭ. ރައްޔިތުންނަށް ހިދުމަތް ކުރަން ނިކުންނަ މީހަކު ފޮރުވަން ޖެހޭ ކަމެއް އޮވެގެން ނުވާނެ. ރައްޔިތުން ކަމަކު އެދެފިނަމަ އެކަމެއް ސާފުކޮށް ބަޔާންކޮށްދެވެންވާނެ. އެ ފަލްސަފާގައި މަސައްކަތް ކުރާނެ ހިތްވަރު ގަދަ ޓީމެއް އިރާދަކުރެއްވިއްޔާ އަޅުގަނޑު އެކުލަވާލާފައި މިވަނީ،" މުއިއްޒު ވިދާޅުވިއެވެ.

މި ބައްދަލުވުމުގައި މުއިއްޒު ވިދާޅުވެފައިވަނީ މީޑިއާތަކަށް ފައިސާ ދޭނެކަމަށާއި ފައިސާ ދޭނީ ހަމަޖެހޭ އުސޫލަކުން ދެފުށްފެންނަ ގޮތަކަށް ކަމަށެވެ. މީޑިއާ ވިލެޖެއް ގާއިމު ކުރުމާއި ނޫސްވެރިކަމުގެ ކޯސްތަކުގައި ހިލޭ ބައިވެރިވޭނެ ގޮތް ހައްދަވާނެ ކަމަށްވެސް މުއިއްޒު ވަނީ ވިދާޅުވެފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.