Advertisement

އިންތިޚާބީ ރައީސުލްޖުމްހޫރިއްޔާ ޑރ. މުހައްމަދު މުޢިއްޒު --

11 Nov 2023
ޚަބަރު

ޤައުމު އިސްކޮށްގެން މަސައްކަތް ކުރުމަށް އިންތިޚާބީ ރައީސް އެދިވަޑައިގެންފި

ޖުމްހޫރީވެރިކަމުގެ ފޮނިމީރުކަން ރައްޔިތުންނަށް ލިބިގެންދާނީ، ރައްޔިތުންނާއި ސަރުކާރާއި ގުޅިގެން، ޤައުމު އިސްކޮށްގެން މަސައްކަތްތަކެއް ކުރެވިގެން ކަމުގައި އިންތިޚާބީ ރައީސް، ޑރ. މުޙައްމަދު މުޢިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، މިއަދު ފާހަގަކުރާ ދިވެހިރާއްޖޭގެ ޖުމްހޫރީ ދުވަހުގެ މުނާޞަބަތުގައި، ފޮނުއްވި ކުރު މެސެޖުގައެވެ.

އިންތިޚާބީ ރައީސް ޑރ. މުޙައްމަދު މުޢިއްޒުގެ މެސެޖުގައި، ރާއްޖޭގެ ޖުމްހޫރީ ނިޒާމް މިއަދާއި ހަމައަށް ގެނެސްދިނުމުގައި، މަސައްކަތް ކުރެއްވި ހުރިހާ ރައީސުންނާއި، ހުރިހާ ވަޒީރުންނާއި، ވިޔަފާރިވެރިންނާއި، ސިޔާސީ ޕާޓީތަކުން ވެރިންނާއި، ޖުމްހޫރީވެރިކަން މިއަދު މިއޮތް ހިސާބަށް ގެނެސްދިނުމުގައި މަސައްކަތްކޮށްދެއްވި ހުރިހާ ފަރާތްތަކަކަށްވެސް ދުވަހުގެ ތަހުނިޔާ ފޮނުއްވައި، ޝުކުރުއަދާކުރެއްވިއެވެ.

އަޅުގަނޑުމެންގެ ޤައުމަށް ހަމަޖެހުން ބޭނުންވޭ. ޤައުމު ކުރިއެރުވުމަށް އެންމެން އެކަތިގަނޑަކަށް ވާން އެބަޖެހޭ. އެހެންވީމާ މިގޮތުގައި ކުރިޔަށް ދިޔުމަށް ހުރިހާ ބޭފުޅުންނަށް މިދުވަހުގެ، ތަޙްނިޔާ އަރިސްކުރަމުން އިލްތިމާސްކުރަން.

އިންތިޚާބީ ރައީސް ޑރ. މުޙައްމަދު މުއިއްޒު

އިންތިޚާބީ ރައީސް ޑރ. މުޙައްމަދު މުއިއްޒު ވެރިކަމުގެ ހުވާކުރައްވާނީ، މި ނޮވެމްބަރު މަހުގެ 17 ވަނަ ދުވަހުގައެވެ. ދިވެހިރާއްޖޭގެ ޖުމްހޫރީ ދުވަހުގެ ގޮތުގައި 11 ނޮވެމްބަރު ކަނޑައަޅާފައި ވަނީ ރިޔާސީ ދައުރު ބަދަލުވާ ދުވަހާއި ގުޅުވައިގެން ނަމަވެސް، 2013 ވަނަ އަހަރުން ފެށިގެން ރިޔާސީ ދައުރު ބަދަލުވާ ދުވަހަކަށް މިހާރު ވެފައި އޮތީ ނޮވެމްބަރު މަހުގެ 17 ވަނަ ދުވަހެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.