ވެލާނާ އިންޓަރނޭޝަނަލް އެއަރޕޯޓު، ވީއައިއޭގެ ގްރައުންޑު ހޭންޑްލިންގުގެ މަސައްކަތަށް އިތުރު ވެހިކަލްތަކެއް ގެނެސް ބޭނުން ކުރަން ފަށައިފިއެވެ.

ވީއައިއޭއަށް އަލަށް ގެނައި ވެހިކަލްތަކާއި، އިކުއިޕްމަންޓުތައް ބޭނުންކުރަން ފެށުން ފާހަގަކުރުމަށް ވަނީ ޙާއްސަ ޙަފްލާއެއް ބާއްވާފައެވެ. މި ޙަފްލާގައި މޯލްޑިވްސް އެއަރޕޯޓްސް ކޮމްޕެނީ ލިމިޑެޓް، އެމް.އޭ.ސީ.އެލްގެ މެނޭޖިންގ ޑިރެކްޓަރ މަހުޖޫބް ޝުޖާއު އަދި އެ ކުންފުނީގެ އިސްވެރިން ވަނީ ބައިވެރިވެފައެވެ.

ގްރައުންޑު ހޭންޑުލިންގުގެ މަސައްކަތަށް އިތުރު ވެހިކަލްތަކާއި އިކުއިޕްމަންޓު ގެނެސްފައިި މިވަނީ އެ އެއަރޕޯޓުން އެއަރލައިންތަކަށް ދޭ ޙިދުމަތްތައް އަވަސްކޮށް ހަރުދަނާކުރުމަށް ކަމަށް އެމްއޭސީއެލުން ވިދާޅުވިއެވެ.

ވެލާނާ އިންޓަރނޭޝަނަލް އެއަރޕޯޓް ހިންގާ އެމް.އޭ.ސީ.އެލުން ވިދާޅުވީ، ގްރައުންޑު ހޭންޑްލިންގުގެ މަސައްކަތްތަކަށް އިތުރުކޮށްފައިވާ ވެހިކަލްތަކާއި އިކުއިޕްމަންޓުތަކުގެ ތެރޭގައި 4 ފަސިންޖަރ ބަހާއި، 4 އެއަރކްރާފް ސިޑި ބަރިއާއި، 2 ޔުނިވަރސަލް ލޯޑާ، 2 ހައި ލޯޑާ، 10 ބެގޭޖު ޓްރެކްޓާ، 14 ގޮނޑީގެ 1 މިނީވޭން، 32 ގޮނޑީގެ ބަހެއް ހިމެނޭކަމަށެވެ.