އިންތިޚާބީ ރައީސް ޑރ. މުހައްމަދު މުއިއްޒު ކުއްލި ދަތުރުފުޅެއްގައި މިއަދު ޔޫއޭއީގެ އަބޫދާބީއަށް މިއަދު ވަޑައިގެންފިއެވެ.

އެމަނިކުފާނު މިއަދު އަބޫދާބީއަށް ކުއްލި ގޮތަކަށް ވަޑައިގެންނެވީ، އެޤައުުމުގެ ސަރުކާރުގެ ޚާއްޞަ ދައުވަތަކަށް ކަން އެނގިފައިވެއެވެ. އަދި ދަތުރުފުޅުގެ ހުރިހާ ޚަރަދެއްވެސް ހަމަޖައްސަވަނީ، އެފަރާތުން ކަމުގައި އިންތިޚާބީ ރައީސްގެ ތަރުޖަމާނު މުޙައްމަދު ފިރުޒުލް ބައެއް މީޑިއާތަކަށް މައުލޫމާތު ދެއްވަމުން ވަނީ ވިދާޅުވެފައެވެ.

އިންތިޚާބީ ރައީސް ޑރ މުޙައްމަދު މުޢިއްޒުގެ މިދަތުރުފުޅާ ގުޅޭ ގޮތުން އިންތިޚާބީ ރައީސްގެ އޮފީހުން މާގިނަ މަޢުލޫމާތެއް ހާމަކުރައްވާފައެއް ނުވެއެވެ.

މިހަފްތާގައި އިންތިޚާބީ ރައީސް ޑރ. މުޙައްމަދު މުޢިއްޒު ވަނީ ސިންގަޕޫރަށްވެސް ދަތުރުފުޅެއް ކުރައްވާފައެވެ. އެދަތުރުފުޅަކީ، ހުވާކުރެއްވުމުގެ ޖަލްސާއަށް ތައްޔާރުވެވަޑައިގެންނެވުމުގެ ގޮތުން ކުރެއްވި ދަތުރުފުޅެއް ކަމުގައި މީިޑިއާތަކުން ރިޕޯޓްކުރި ނަމަވެސް އެދަތުރުފުޅާއި ގުޅޭ ގޮތުންވެސް އިންތިޚާބީ ރައީސްގެ އޮފީހުން ރަސްމީ މައުލޫމާތެއް ހާމަކޮށްފައެއް ނުވެެއެވެ.

މިހަފްތާގައި އިންތިޚާބީ ރައީސް ޑރ. މުޙައްމަދު މުޢިއްޒު ވެރިކަމުގެ ހުވާކުރެއްވުން އޮންނާނީ މިމަހުގެ 17 ވަނަ ދުވަހުގެ ހަވީރު، 16:45ގައި ޖުމްހޫރީ މައިދާނުގައެވެ. އެރަސްމިއްޔާތަށް ބޭރުގެ ޤައުމުތަކުގެ ސަރުކާރުތަކަށް ދަޢުވަތު ފޮނުއްވާފައިވާ ކަމުގައި އިންތިޚާބީ ރައީސްގެ އޮފީހުން ވަނީ ބުނެފައެވެ.