Advertisement
އަލް-ޝިފާ ހޮސްޕިޓަލް ---
ޣައްޒާގެ އެންމެ ބޮޑު ހޮސްޕިޓަލަށް އިޒްރާއީލުން ބޮންއަޅާނެ ކަމުގެ އިޝާރާތެއް
ޣައްޒާގައި ހުރި އެންމެ ބޮޑު ހޮސްޕިޓަލަށް ބޮން އެޅުމަށްޓަކައި ސަހްޔޫނީ ދައުލަތް އިޒްރާއީލުން ދައްކަމުން އަންނަ ވާހަކަތައް މިއަދު ތަކުރާރުކޮށްފިއެވެ.
ގާޒާއަށް ހަމަލާދޭން ފެށިއިރުވެސް އެ ހޮސްޕިޓަލަކީ އިޒްރޭލުން ހަލާކުކޮށްލަން ބޭނުންވާ މުހިއްމު ތަނެކެވެ. އަދި އެހޮސްޕިޓަލަށް ހަމަލާދިނުމަށްޓަކައި ހޮސްޕިޓަަލް ހުސްކުރުމަށްވެސް ތަކުރާރުކޮށް އިޒްރޭލުން އެންގިއެވެ. ގެދޮރުނެތި ހިމާޔަތް ހޯދަމުންދާ އެތައްހާސް އާއްމުންނާއި އަދި އިޒްރާއީލުގެ ވައިގެ ހަމަލާތަކުގައި ޒަޚަމްވެފައިވާ މީހުންނާއިއެކު އެހޮސްޕިޓަލް އޮތީ ފުރިފައެެވެ.
ޣައްޒާގެ އެންމެ ބޮޑު ހޮސްޕިޓަލް އަލްޝިފާ ހޮސްޕިޓަލަށް ހަމަލާދިނުމުގެ ބަހަނާއަކަށް މިއަދު އިޒްރޭލުން ވަނީ، އަލް ޝިފާ ހޮސްޕިޓަލްގެ ބޭސްމެންޓާއި އެހޮސްޕިޓަލުގެ އަޑީގައި ހަމާސްގެ ބިންގަރާސްތަކާއި ޓަނަލްތައް ހުރިކަމަަށް ބުނެ އެނިމޭޓެޑް ވީޑިއޯއެއް އާއްމުކޮށްފައެވެ. އަދި ހަމާސްގެ ލީޑަރުން ފިލާ ތިބީ އެތަނުގައި ކަމަށާއި، ހަމާސްގެ ހެޑްކުއާޓަރސްތަކަށް ދަތުރުކުރާ ޓަނަލްތައްވެސް ހުރީ އެހޮސްޕިޓަލުގެ ގޯތިތެރޭގައި ކަމަށް އިޒްރޭލުން ވަނީ ބުނެފައެވެ.
އިޒްރޭލުގެ މި ވާހަކަތަކަކީ، ދާދިއަވަހަށް އިޒްރާއީލުން ދާދިއަވަހަށް އަލް ޝިފާ ހޮސްޕިޓަލަށް ބޮންއަޅައި ހަލާކުކޮށްލައިފާނެ ކަމުގެ އިޝާރާތެއްކަމަށް ހަނގުރާމައިގެ ކަންކަން ދިރާސާކުރާ ފަރާތްތަކުން ވަނީ ބުނެފައެވެ. ހަމާސް އާއި ދެކޮޅަށް ކަމަށް ބުނެ އިޒްރޭލުން ދެމުން އަންނަ ވައިގެ ހަމަލާތަކުގައި ޣައްޒާއިން 7000 ވުރެ ގިނަ މީހުން ޝަހީދުކޮށްލައި، 17000 ވުރެ ގިނަ މީހުން ވަނީ ޒަޚަމްކޮށްލާފައެވެ. އަދި އިޒްރޭލުން އަންނަނީ ހަނގުރާމައިގެ ކުށްތަކާއި ޤަތުލުއާއްމުތައް ހިންގަމުންނެވެ.
