ތޫފާން މޯޗާގައި، ބަންގްލަދޭޝްއިން 3 މީހުން މަރުވެއްޖެއެވެ.

މިހާރު ބަންގްލަދޭޝް އާއި މިޔަންމާއަށް އަރާފައިވާ މިޠޫފާންގައި މިޔަންމާއިންވެސް ދެމީހަކު ވަނީ މަރުވެފައިވާ ކަމުގައި މިޔަންމާގެ ކަމާއި ބެހޭ ފަރާތްތަކުން ވަނީ ހާމަކޮށްފައެެވެ.

މި ތޫފާންގެ އަސަރު އެންމެ ބޮޑަށް ކުރަމުންދާ ސަރަހައްދުތަުގެ ތެރޭގައި ބަންގުލަދޭޝްގައި ރޮހިންޔާ ދަރިކޮޅުގެ ރެފިއުޖީން ދިރިއުޅޭ ސަރަހައްދުތައް ހިމެނެއެވެ. ބާރުވައިގެ ސަބަބުން ގަސްތަކާއި ރުއްތައް ވެއްޓިފައިވާއިރު ބޯވާރެޔާއެކު އަވަށްތަކުގައި ވަނީ ފެންބޮޑުވެފައެވެ. ރޮހިންޔާގެ ރެފިއުޖީން ބަންގްލަދޭޝްގައި ދިރިއުޅޭ ކޮކްސް ބާޒާރު ސަރަހައްދަކީ، މިޔަންމާއާ ގާތުގައިވާ ބިންތިރި އައްސޭރިފަށުގެ ސަރަހައްދެކެވެ.

Advertisement

ބަންގްލަދޭޝްގެ މޫސުމާ ބެހޭ އިދާރާއިން ބުނި ގޮތުގައި ތޫފާނުގައި ގަޑިއަކު 195 ކިލޯމީޓަރު (120 މޭލު) ބާރު މިނުގައި ދަނީ ވައިޖެހެމުންނެވެ.