Advertisement

ގެދޮރު ގެއްލިފައިތިބި ފަލަސްތީނުގެ ރައްޔިތުން، ފޮޓޯ: ރޮއިޓާސް

27 Oct 2023
ދުނިޔެ

އިންސާނީ އެހީގެ އެންމެ ކުޑަ މިންވަރު ވެސް ޣައްޒާއަށް ފޯރުކޮށްދެވެމުން ނުދޭ: ދުވަސް 20

މިއީ ހަމާސް އާއި އިސްރާއީލު ސިފައިންނާ ދެމެދު ކުރިޔަށްދާ ހަނގުރާމައިގެ 20 ވަނަ ދުވަސް، 26 އޮކްޓޯބަރ 2023ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 ޣައްޒާގެ ބޯޑަރ ހުރަސްކޮށް އިސްރާއީލުގެ އަސްކަރިއްޔާއިން މިހާރު އެ ރަށަށް ވަދެފައިވާއިރު، އެމީހުންގެ އަސްކަރިއްޔާއިން ހާމަކޮށްފައިވާގޮތުގައި ކުދި ރެއިޑް އޮޕަރޭޝަންތައް ޣައްޒާގައި ކުރިޔަށް ގެންދާނެ. ބެލެވޭ ގޮތުގައި މިއީ ޣައްޒާ އެއްކޮށް ހިފުމަށް ރާވާފައިވާ ބޮޑު މާސްޓާރ ޕްލޭންގެ ފެށުން.  

🔴 އިސްރާއީލުން މިހާރު ދެމުންގެންދާ ބޮމުގެ ހަމަލާތަކުގައި މަރުވެފައިވާ ކަމަށް ބުނާ 7،028 ފަލަސްތީނު މީހުންގެ ނަމާއި އައިޑެންޓިފިކޭޝަން ނަންބަރު، ޣައްޒާގައި ހުންނަ ފަލަސްތީނުގެ ހެލްތު މިނިސްޓްރީން އާންމުކޮށްފި. މި ލިސްޓު ހާމަކުރީ ފަލަސްތީނުން މަރުވެފައިވާ މީހުންގެ އަދަދާ ގުޅިގެން އެމެރިކާއިން ސުވާލު އުފައްދާތީކަމަށް ބެލެވޭ.

🔴 ހަތް ގަޑިއިރުގެ ބަހުސަކަށްފަހު ޔޫރަޕިއަން ޔޫނިއަންގެ ލީޑަރުން ވަނީ ޖޮއިންޓް ބަޔާނެއް ނެރެފަ. އެ ބަޔާނުގައި ޔޫރަޕިއަން ޔޫނިއަން އިން ބުނެފައިވަނީ ހަނގުރާމަ ވަގުތު ކޮޅަކަށް މެދުކަނޑާލުމަށްފަހު ޣައްޒާއަށް އިންސާނީ އެހީތެރިކަން ފޯރުކޮށްދީ، އެމީހުނަށް ބޭނުންޖެހިފައިވާ ކާނާއާއި ފެނާއި އެހެނިހެން ތަކެތި އެތެރެކުރުމަށް މަގުފަހިކޮށްދިނުމަށް.  

🔴 އ.ދ.ގެ އެހީއާ ބެހޭ ވެރިޔާ މާޓިން ގްރިފިތްސް ވިދާޅުވެފައި ވަނީ، އިންސާނީ އެހީތެރިކަމުގެ އެންމެ ކުޑަމިނުން ބޭނުންވާ މިންވަރަށް ވެސް ޣައްޒާއަށް އެހީތެރިކަން ފޯރުކޮށްދެވެމުން ނުދާކަމާއި، އެކަމުގަ މުޅި ދުނިޔެ ނުކުޅެދިއްޖެކަމަށް.

🔴 އިސްރާއީލުން ހިފާފައިވާ ހުޅަނގު އައްސޭރީގައި ގިނަ ބަޔަކު ހައްޔަރުކުރަމުން ދާއިރު، ހިފާފައިވާ އިރުމަތީ ގުދުސްއިން ވަނީ ފަލަސްތީނުގެ 60 އަށް ވުރެ ގިނަ މީހުން ބުރާސްފަތި ދުވަހު ހައްޔަރުކޮށްފައި.

🔴 އެމެރިކާއިން ބުނާ ގޮތުގައި އެ ގައުމުގެ އަސްކަރިއްޔާގެ އިތުރު 900 ޓްރޫޕް މެދުއިރުމައްޗަށް ބަދަލުކުރުމުގެ މަސައްކަތް ކުރިޔަށް އެބަދޭ. މިއީ އެމެރިކާގެ މީހުންނަށް އަމާޒުކޮށް އިރާގުން 12 ހަމަލާ، އަދި ސީރިއާއިން 4 ހަމަލާއެއް ދީފައިވާތީކަމަށް ޕެންޓެގަންއިން ކަށަވަރުކޮށްދޭ.  

🔴 އިސްރާއީލާއި ލުބުނާނާއި ދެމެދު ބޯޑަރު ހުރަސްކޮށް ހަމަލާތައް ބަދަލުކުރަމުންދާއިރު، ސީރިއާއަށް ވެސް އިސްރާއީލުން ހަމަލާތަކެއްދީފައިވާކަމަށް ރިޕޯޓްތައް ބުނޭ.

ކޮމެންޓް
އިތުރު އާޓިކަލް
04 Apr 2025
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ޔައުޤޫބު ވިދާޅުވެއްޖެ
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ދާންދޫ ދާއިރާގެ ކުރީގެ މެންބަރު ޔައުގޫބް އަބްދުﷲ ވިދާޅުވެއްޖެއެވެ.
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.