ޣައްޒާއަށް އިޒްރޭލުން ދެމުންދާ ހަމަލާތަކުގައި އިންސާނީ އެހީދިނުމުގައި މަސައްކަތް ކުރަމުން އަންނަ އދ. ގެ 35 މުވައްޒަފަކު މިހާތަނަށް މަރާލައިފިއެވެ.

އދ. ގެ އިންސާނީ އެހީ ދިނުމުގެ ގޮފި، ޔުނައިޓެޑް ނޭޝަންސް ރިލީފް އެންޑް ވޯކްސް އޭޖެންސީ (ޔޫ.އެން.އާރް.ޑަބްލިޔު.އޭ)އިން ނެރުނު ބަޔާނުގައި ބުނެފައި ވަނީ، ޣައްޒާއަށް އިޒްރާއީލުން ދެމުންދާ ހަމަލާތަކަށް 16 ދުވަސްވިއިރު، އިޒްރޭލުގެ ހަމަލާތަކުގައި މަރުވި އެ ޖަމާޢަތުގެ މުވައްޒަފުންގެ އަދަދު މިހާރު ވަނީ 35އަށް އަރާފައި ކަމަށެވެ. އަދި ޒަޚަމްވެފައިވާ އެޖަމާޢަތުގެ މުވައްޒަފުންގެ އަދަދު 18އަށް އަރާފައިވާ ކަމުގައިވެސް އެޖަމާޢަތުން ވަނީ ބުނެފައެވެ. އަދި މިހާތަނަށް އެޖަމާޢަތުން އެހީ ދިނުމުމަށް ބޭނުން ކުރާ 40 މަރުކަޒަކަށްވެސް އިޒްރާއީލުން ހަމަލާތައް ދީފައިވާ ކަމުގައި، ޔުނައިޓެޑް ނޭޝަންސް ރިލީފް އެންޑް ވޯކްސް އޭޖެންސީ (ޔޫ.އެން.އާރް.ޑަބްލިޔު.އޭ)އިން ވަނީ ބުނެފައެވެ.

އިޒްރާއީލްގެ ހަމަލާތަކުގައި އދ. ގެ ގިނަ އަަދަދެއްގެ މުވައްޒަފުން މަރުވަމުން ދާއިރު، އެކަމާއި ދެކޮޅަށް، އދ. އިންވެސް މާބޮޑު ކަމެއް ނުކުރެއެވެ. އދ. ގެ މުވައްޒަފުންގެ ތެރެއިން މަރުވި ގިނަ މީހުންނަކީ، ޔުނައިޓެޑް ނޭޝަންސް ރިލީފް އެންޑް ވޯކްސް އޭޖެންސީ (ޔޫ.އެން.އާރް.ޑަބްލިޔު.އޭ)އިން ފަލަސްޠީނުގައި ހިންގާ ސްކޫލުތަކުގައި ޓީޗަރުންގެ ގޮތުގައި މަސައްކަތް ކުރަމުން ދިޔަ މީހުންނެވެ.

Advertisement

މިހާތަނަށް އިޒްރޭލުގެ ހަމަލާތަކުގައި ވަނީ، 4651 މީހުން ޝަހީދުވެފައެވެ. އޭގެ ތެރެއިން ދެބައިކުޅަ އެއްބަޔަކީ، ކުޑަކުދިންނެވެ. އަދި އިޒްރޭލުގެ ހަމަލާތަކުގައި ޒަޚަމްވި ފަލަސްޠީނު މީހުންގެ އަދަދުވެސް މިހާރު ވަނީ، 14245އަށް އަރާފައެވެ.