މިއީ ހަމާސް އާއި އިޒްރޭލު ސިފައިންނާ ދެމެދު ކުރިޔަށްދާ ހަނގުރާމައިގެ 16 ވަނަ ދުވަސް،22 އޮކްޓޯބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 ފާއިތުވި 24 ގަޑިއިރަކީ، އޮކްޓޯބަރ 7 ގައި ޣައްޒާއަށް ހަމަލާތައް ދޭންފެށިފަހުން އެންމެ ލޭ އޮހޮރުވުން ގިނަ ވަގުތު. ފަލަސްތީނުގެ ނޫހަކުން ހާމަކޮށްފައިވާ ގޮތުގައި، މި މުއްދަތުގައި އިސްރާއީލުން 25 އަށް ވުރެ ގިނަ ރޮކެޓް ހަމަލާތައް އާންމުން ދިރިއުޅޭ ސަރަޙައްދުތަކަށް ދީފައިވާއިރު، މިހާތަނަށް 400 އަށް ވުރެން ގިނަ މީހުން މަރުވެފައިވާކަމަށް ކަށަވަރުވެފައިވޭ.

🔴 ޣައްޒާގެ ސިވިލް ޑިފެންސް އިން ބުނެފައިވާ ގޮތުގައި ޖަބަލިއާ ރެފިއުޖީ ކޭމްޕަށް އިސްރާއީލުން އެންމެ ފަހުން ދިން ވައިގެ ހަމަލާތަކާ ގުޅިގެން މިހާތަނަށް ގާތްގަނޑަކަށް 30 ހަށިގަނޑު ފެނިފައިވާއިރު އޭގެ ތެރޭގައި ގިނައީ އަންހެނުންނާއި ކުޑަކުދިން. އަދި މީގެ އިތުރުން ވެއްޓިފައިވާ އިމާރާތްތަކުގެ ދަށުވެފައި އެތައް ބަޔަކު ތާށިވެފައި ތިބިކަމަށް ބުނޭ.

Advertisement

🔴 ހަމާސްއިން ހާމަކޮށްފައިވާ ގޮތުގައި އެ ޖަމާއަތުގެ ލީޑަރު އިސްމާއީލް ހަނިއްޔާ އާއި އީރާނުގެ ފޮރިން މިނިސްޓަރު ހުސެއިން އަމީރު އަބްދުالله ވަނީ ޣައްޒާގައި އިސްރާއީލުން ހިންގާ "އަނިޔާވެރި ޖަރީމާތައް" ހުއްޓުވޭނެ ގޮތްތަކާ ބެހޭ ގޮތުން ފޯނުން ގުޅާ މަޝްވަރާކޮށްފައި.

🔴 ހަމާސް-އިސްރާއީލު ހަނގުރާމައާ ގުޅިގެން މެދުއިރުމަތީގައި ހަމަނުޖެހުން އިތުރަށް ފެތުރުމުގެ ފުރުސަތު ބޮޑުވަމުންދާއިރު، އެމެރިކާގެ ސިފައިންނަށް އެއްވެސް ހަމަލާއެއް އަމާޒުވެއްޖެނަމަ، ބަދަލު ހިފުމަށް ތައްޔާރަށް އޮތް ކަމަށް އެމެރިކާއިން އިންޒާރުދީފި. މީގެ އިތުރުން، އެމެރިކާއިން އަންނަނީ މެދުއިރުމަތީގައި އެމީހުންގެ މިލިޓަރީ އާލާތް އިތުރުކޮށް، އިސްރާއީލު ސިފައިން ދިފާއުކުރުމަށް އިތުރަށް ތައްޔާރުވަމުން.

🔴 އ.ދ. އިން ބުނާ ގޮތުގައި ކާބޯތަކެއްޗާއި ސިއްޙީ އެހީއަށް ބޭނުންވާ ސާމާނު ހިމެނޭހެން އިތުރު 14 ޓްރަކް ރަފާހު ބޯޑަރު ހުރަސްކޮށް ޣައްޒާއަށް ވަދެފައިވޭ.

🔴 އިސްރާއީލުން ޣައްޒާއަށް ހަމަލާދެމުންދާތާ ދެ ހަފްތާއަށް ވުރެ ގިނަ ދުވަސްވެފައިވާއިރު، ފަލަސްތީނުގެ ރައްޔިތުންނަށް ހަމްދަރުދީވެ، ކެނެޑާގެ މޮންޓްރިއަލް ސިޓީގައި އެތައް ހާސް ބަޔަކު އެއްވުމެއް ބާއްވައިފި.

🔴 އިސްރާއީލުގެ ބޮޑުވަޒީރު ނަތަންޔާހޫ ހާމަކޮށްފައިވާ ގޮތުގައި ފްރާންސްގެ ރައީސް މެކްރޮން އާއި ޑަޗްގެ ބޮޑުވަޒީރު މާކް ރުއްޓޭ މި ހަފްތާގައި އިސްރާއީލަށް ޒިޔާރަތްކުރާނެ.

🔴 އިއްޔެއާ ހަމައަށް ޖުމްލަ ފަލަސްތީނުގެ 4،651 މީހަކު މަރާލާފައިވޭ. މީގެ އިތުރުން 14،000 އަށް ވުރެން ގިނަ މީހުން އަންނަނީ ހަމަލާތަކުން ލިބުނު އަނިޔާތަކަށް ފަރުވާ ހޯދަމުން.