Advertisement

އާސެނަލްގެ ޑެކްލަން ރައިސް ޗެލްސީ ކޮޅަށް ގޯލު ކާމިޔާބު ކުރުމަށްފަހު، ފޮޓޯ: ގެޓީ އިމޭޖަސް

22 Oct 2023
ކުޅިވަރު

ފަހުވަގުތު އާސެނަލް ކުރިހިތްވަރުން، މި ސީޒަނުގެ ރަގަޅު ފެށުން ދަމަހައްޓައިފި

ހޮނިހިރު ދުވަހު ޗެލްސީގެ ސްޓެމްފޯޑް ބްރިޖްގައި އާސެނަލް އިން ޗެލްސީއާ ދެކޮޅަށް ކުޅުނު މެޗުގައި، އެ ޓީމަށް ފަހުވަގުތު ކާމިޔާބުކުރެވުނު ދެ ގޯލާއެކު މެޗު 2-2 އިން އެއްވަރުވެ، މި ސީޒަނުގައި އާސެނަލް ބަލިނުވެ ހިފަހައްޓަމުން އަންނަ ރެކޯޑު ދަމަހައްޓައިފިއެވެ

ޗެލްސީން ލީޑު ނެގީ މެޗުގެ ތިރީސް ވަނަ މިނެޓުގައި ލިބުނު ޕެނަލްޓީއަކުންނެވެ. އެއީ އާސެނަލްގެ އޭރިއާ ތެރެއިން ޗެލްސީގެ ފޯވާޑް، މައިޙާލޯ މުޑުރީޗް ބޮލުން ގޯލަށް ފޮނުވާލި ބޯޅައެއް، އާސެނަލްގެ ވިލިއަމް ސަލީބާގެ އަތުގައި ޖެހުމުން ލިބުނު ޕެނަލްޓީއަކުންނެވެ. މި ޕެނަލްޓީ ކާމިޔާބުކުރީ ކޯލް ޕާމާއެވެ. މިއީ ރަށުން ބޭރުގައި އާސެނަލް ކޮޅަށް މި ސީޒަނުގައި ޖެހި ފުރަތަމަ ގޯލެވެ

ޗެލްސީގެ ދެވަނަ ގޯލު ކާމިޔާބުކުރީ ދެވަނަ ހާފު ހަމަ ފެށުނުތަނާ ހެންނެވެ. މި ގޯލު ކާމިޔާބު ކުރީ މިދިޔަ ޖެނުއަރީ ޓްރާންސްފާ ވިންޑޯގައި އާސެނަލްއަށް ބަދަލުވުމުގެ ވާހަކަ ވަރަށް ގަދަޔަށް ދެކެވުނު ކޮނޯ ގަލަގާއެވެ

އާސެނަލްއިން އެ ޓީމުގެ ފުރަތަމަ ގޯލު ކާމިޔާބުކުރީ މެޗުގެ 77 ވަނަ މިނެޓުގައި، ޗެލްސީގެ ގޯލް ކީޕަރ ރޮބާޓް ސަންޗޭޒް އަށް ހެދުނު ގޯހަކުންނެވެ. ސަންޗޭޒް ޗެލްސީގެ އޭރިޔާ ތެރޭގައި ހުރެފައި އެ ޓީމުގެ ކުޅުންތެރިއަކަށް ދިން ޕާސް ލިބުނީ ގޯލާއި މާދުރުނޫން ހިސާބެއްގައި ހުރި އާސެނަލްގެ ޑެކްލަން ރައިސްއަށެވެ. ގާތްގަނޑަކަށް ހުހަށް އޮތް ގޯލަށް އޭނާ އެ ބޯޅަ ފޮނުވާލީ 35 ޔާޑު ދުރުންނެވެ

މެޗުގެ ސްކޯރ އާސެނަލްއިން ހަމަހަމަކުރީ އޭގެ 7 މިނެޓުފަހުން ލިއާންޑްރޯ ޓްރޮސާޑް ކާމިޔާބުކުރި ގޯލަކުންނެވެ. މި ގޯލާއެކު ބަދަލު ކުޅުންތެރިއެއްގެ ގޮތުގައި ޓްރޮސާޑް މި ކާމިޔާބު ކުރީ އޭނާ އާސެނަލްއަށް ކާމިޔާބުކޮށްދިން 3 ވަނަ ގޯލެވެ. ޓްރޮސާޑް އާސެނަލް ކެރިއަރުގައި ކާމިޔާބުކުރި ފުރަތަމަ 2 ގޯލު ވެސް ކާމިޔާބުކޮށްފައިވަނީ ބަދަލު ކުޅުންތެރިއެއްގެ ގޮތުގައެވެ. އެހެންކަމުން، އޭނާ ވެގެން ގޮސްފައިމިވަނީ ޕްރިމިއާލީގުގައި ބަދަލު ކުޅުންތެރިއެއްގެ ގޮތުގައި ކުޅެން ނިކުމެ، އާ ކްލަބް ކެރިއަރުގައި އެންމެ ފުރަތަމަ އެ ޓީމަށް 3 ގޯލު ކާމިޔާބު ކޮށްދިން ކުޅުންތެރިޔާއަށެވެ

މި މެޗުން ލިބުނު އެއް ޕޮއިންޓާއެކު، ޖުމްލަ 21 ޕޮއިންޓް ހޯދާ، މެންޗެސްޓަރ ސިޓީގެ ފަހަތުން އާސެނަލް މިހާރު އޮތީ ލީގުގެ ދެވަނައިގައެވެ. ލީގުގެ އެއް ވަނައިގައި އޮތް މެންޗެސްޓަރ ސިޓީއަށް ވެސް ހޯދިފައިވަނީ 21 ޕޮއިންޓެވެ. ނަމަވެސް އެ ޓީމު ކުރީގައި އޮތީ ގޯލު ތަފާތުންނެވެ.

ލީގުގެ 3 ވަނައިގައި އޮތީ ސަލާހުގެ 2 ގޯލުން އެވަޓަން ބަލިކޮށް، ލިވަޕޫލެވެ. އެއީ 20 ޕޮއިންޓާ އެކުއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.