BML ge online appointment potal ah ithuru features thakeh

Advertisement

ބީއެމްއެލްގެ ހެޑް އޮފީސް. ފޮޓޯ: ބީއެމްއެލް

20 Oct 2023

ޚަބަރު

ބީއެމްއެލްގެ އޮންލައިން އެޕޮއިންޓްމަންޓް ޕޯޓަލްގައި އިތުރު ފީޗާސްތަކެއް

ބޭންކް އޮފް މޯލްޑިވްސް ގެ އޮންލައިން އެޕޮއިންޓްމަންޓް ޕޯޓަލްގައި އިތުރު ފީޗާސްތަކެއް ހިމަނައިފިއެވެ.

ބީއެމްއެލްއިން ބުނީ މި ގެނައި ބަދަލުތަކާއެކު ބޭންކުގެ ބްރާންޗްތަކާއި އަދި ސާވިސް ސެންޓަރުން ހިދުމަތް ހޯދުމަށް އިތުރު ފަސޭހަތަކެއް ލިބިގެންދާނެކަމަށެވެ.

އެގޮތުން ކަސްޓަމަރުންނަށް މިހާރު ބީއެމްއެލް އަދި ބީއެމްއެލް އިސްލާމިކްގެ ހިދުމަތްތައް ހޯދުމަށް އެޕޮއިންޓްމަންޓް ހަމަޖެއްސުމަށް ކުރިޔަށް އޮތް 10 ދުވަހަށް އެޕޮއިންޓްމަންޓް ލިބެންހުރި ތާރީހާއި ގަޑި ފަސޭހަކަމާއެކު ޕޯޓަލް މެދުވެރިކޮށް ބަލާލެވޭނެކަމަށް ބޭންކުން ބުންޏެވެ.

އަދި ޕާސަނަލް ކަސްޓަމަރުންނަށް ލޯނަށް އެދި ހުށަހެޅުމަށާއި ބީއެމްއެލް ގެ ޓީމާއި ބައްދަލުކޮށް ލޯނު އަދި ފައިނޭންސިންގެ މައުލޫމާތު ސާފުކުރުމަށް ވެސް މިހާރު އެޕޮއިންޓްމަންޓް ހަމަޖެއްސޭނެކަމަށްވެސް ވަނީ ބުނެފައެވެ.

އޭގެ އިތުރުުން ބިޒްނަސް ކަސްޓަމަރުންނަށް ބޭންކް އެކައުންޓް ހުޅުވުމާއި، ލޯނު އަދި ފައިނޭންސިންއަށް އެދި ހުށަހެޅުމާއި ލޯނާއި ފައިނޭންސިން އާ ގުޅޭ މައުލޫމާތު ސާފުކުރުމަށް ބީއެމްއެލްގެ ސްޕެޝަލިސްޓް ޓީމާ ބައްދަލުކުރުމަށް ވެސް އެޕޮއިންޓްމަންޓް ހަމަޖެއްސޭނެކަމަށް ބީއެމްއެލްއިން ބުނެއެވެ.

ޚަބަރު ބޭންކް އޮފް މޯލްޑިވްސް

ކޮމެންޓް

އިތުރު އާޓިކަލް

މީހަކު ހުޅުމާލެ ސަހަރާ މިސްކިތަށް އަރައި މުދިމަށް ވަޅިން ހަމަލާދޭން އުޅެފި

ފުލުހުންގެ ތަރުޖަމާނު އަޙްމަދު ޝިފާން ވިދާޅުވީ، މިހާރު އެމީހާ ވަނީ ހައްޔަރުކޮށްފައި ކަމަށެވެ. އެމީހާ ފުރަތަމަ މިސްކިތަށް އަރައި ހަމަލާދޭން އުޅުމުން މިސްކިތުގައި ތިބި މީހުން އެމީހާ ހުއްޓުވާފައިވާ ކަމަށާއި، މިސްކިތުން ނުކުތުމަށްފަހު އޭނާ ވަނީ، މަގުމަތިން އޭނާ ހުއްޓުވި ފުލުސް މީހާއަށްވެސް ވަޅި ހަމަލާދޭން މަސައްކަތްކޮށްފައި ކަމުގައި ޝިފާން ވިދާޅުވިއެވެ.

ޝާހިދު ވިދާޅުވީ ޤާނޫނު އަސާސީއަށް ގެނައި އިސްލާހާއިއެކު ޑިމޮކްރަސީގެ އިރު އޮއްސުނީކަމަށް!

ޝާހިދު ވިދާޅުވީ، އިއްޔެ ރައްޔިތުންގެ މަޖިލީހުން ޤާނޫނު އަސާސީއަށް ގެނައި ބަދަލުތައް ފާސްކުރި ވަގުތު ދިމާވީ އިރުއޮއްސުނު ވަގުތާއި ކަމަށާއި އެހެން ކަމުން އެމަނިކުފާނަށް ސިފަކުރެވުނީ، އެއީ ރާއްޖޭގެ ޑިމޮކްރަސީއަށްވެސް އިރު އޮއްސިގެން ދިޔުން ކަމަށެވެ.

ނައިބު ރައީސް ފަރެސްމާތޮޑާ ދާއިރާގެ މަޖިލިސް މެމްބަރާއި ފިޔޯރީ ކައުންސިލްގެ ރައީސާ ބައްދަލުކުރައްވައިފި

މި ބައްދަލުކުރެއްވުމުގައި ފިޔޯރީގެ ތަރައްޤީއަށް ބޭނުންވާ ކަންކަމާއި ރައްޔިތުން އެންމެ ބޭނުންވާ ކަންކަމާގުޅޭގޮތުން މަޝްވަރާކުރެއްވިއެވެ. އެގޮތުން ރަށުގެ ޒުވާނުން މިވަގުތު ފުޓުބޯޅަ ކުޅުމަށްޓަކައި ރަށުގެ ބޮޑު ސްޓޭޑިއަމްގައި ޓާފު އެޅުމަށް ބޭނުންވާކަމަށާއި، ރަށުގައި ޒުވާނުންގެ މަރުކަޒެއް ޤާއިމުކޮށްދެއްވުމަށް ކައުންސިލް ރައީސާއި ދާއިރާގެ މަޖިލީސް މެންބަރު އެދިވަޑައިގެންނެވިއެވެ. ހަމައެއާއެކު، ރަށުގައި އޭ.ޓީ.އެމް ގެ ޚިދުމަތް ނެތުމުން ރައްޔިތުންގެ ހުރި ކަންބޮޑުވުންތައް އެބޭފުޅުން ޙިއްޞާކުރެއްވިއެވެ.

ރައީސް ވިދާޅުވީ ޤާނޫނު އަސާސީއަށް ކުއްލި ގޮތަކަށް ގެނައި އިސްލާޙަކީ، ހަމަޖެހުން ޤާއިމްކުރުމަށް ގެނައި ބަދަލެއް ކަމަށް!

އެމަނިކުފާނު ރޭ އިނގިރޭސި ވިލާތަށް ފުރާ ވަޑައިގެންނެވުމުގެ ކުރިން ދެއްވި މި އިންޓަރވިއުގައި ވިދާޅުވީ، ރާއްޖޭގެ ސަރަޙައްދަށް ބަދަލެއް ގެންނަ ނަމަ މީގެ ކުރިން އޮންނަނީ، ރައްޔިތުންގެ މަޖިލީހުގެ ތިންބައިކުޅަ ދެބައިގެ އަޣްލަބިއްޔަތުން ފާސްވުން ކަމަށާއި، އެހެންނަމަވެސް މިއަދު ގެނައި އިޞްލާޙާއެކު އެކަން އިތުރަށް ވަރުގަދަވެ، ރައްޔިތުންގެ މަޖިލީހުގެ ހަތަރުބައިކުޅަ ތިންބައިގެ ތަނަވަސް އަޣްލަބިއްޔަތަކުން ފާސްކުރަން ޖެހޭގޮތަށް ކަނޑައެޅުނީ ކަމުގައި ރައީސް ވިދާޅުވިއެވެ.