މިއީ ހަމާސް އާއި އިޒްރޭލު ސިފައިންނާ ދެމެދު ކުރިޔަށްދާ ހަނގުރާމައިގެ 10 ވަނަ ދުވަސް،16 އޮކްޓޯބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 ޣައްޒާގެ ސިއްހީ އޮފިޝަލުން ބުނާ ގޮތުގައި އިސްރާއީލުގެ ހަމަލާތަކުގެ ސަބަބުން މިހާތަނަށް 2،808 މީހުން މަރުވެ 10،859 މީހުން ޒަޚަމްވެފައިވޭ.

🔴 ދުނިޔޭގެ ސިއްހަތު ޖަމިއްޔާއިން އިންޒާރު ދީފައިވާ ގޮތުގައި ޣައްޒާގައި ބާކީ ހުރީ އެންމެ 24 ގަޑިއިރު ބޭނުންކުރާނެ ފެނާއި، ކަރަންޓާއި، ތެޔޮ.

🔴 ވަށާލާފައިވާ ޣައްޒާއަށް އިންސާނީ އެހީ ލިބޭނެ ގޮތް ހެދުމަށް އ.ދ. ގެ އިންސާނިއްޔަތަށް މަސައްކަތްކުރާ ގޮފީގެ ޗީފް، މާޓިން ގްރިފިޓްސް، މެދުއިރުމައްޗަށް ކުރައްވާ ރަސްމީ ދަތުރުފުޅު ފައްޓަވައިފި.

🔴 އެމެރިކާގައި އާދީއްތަ ދުވަހު ވަޅިން ހަމަލާދީ މަރާލި ފަލަސްތީނުގެ 6 އަހަރުގެ ކުއްޖާގެ ޖަނާޒާ ޗިކާގޯގައި ބާއްވައިފި. ފުލުހުން ބުނާ ގޮތުގައި އެކުއްޖާ އާއި އޭނާގެ މަންމައަށް އަމާޒުކޮށް ހަމަލާދީފައިވަނީ އެއީ މުސްލިމް އަދި ފަލަސްތީނުގެ ދަރިފަސްކޮޅުގެ އާއިލާއަކަށް ވާތީ.

🔴 އަނެއްކާވެސް އީރާނުގެ ފޮރިން މިނިސްޓަރު ހުސައިން އަމީރު އަބްދުالله ގެ އިންޒާރެއް. މި ފަހަރު ވިދާޅުވީ އިސްރާއީލުގެ ހަމަލާތައް ކުރިޔަށްދާނަމަ އީރާނަށް ތާއީދުކުރާ ބާރުތަކާއެކު ވަރަށް އަވަހަށް އިސްރާއީލަށް ހަމަލާތައް ދޭނެކަމަށް. 

🔴 ލުބުނާނުގެ ހިޒްބުاللهއަށް އަމާޒުކޮށް ހަމަލާދީފައިވާ ކަމަށް އިސްރާއީލުގެ އަސްކަރިއްޔާއިން ބުނެފި. ނަމަވެސް ހިޒްބުاللهއިން ގެންގުޅޭ ވަރުގަދަ ހަތިޔާރުތަކަކީ އިސްރާއީލަށް އޮތް ބޮޑު ބިރެއްކަމަށް އަލް ޖަޒީރާގެ ނޫސްވެރިން ރިޕޯޓުކުރޭ.

🔴 އޮކްޓޯބަރު މަހުގެ 7 ވަނަ ދުވަހު އިސްރާއީލުގެ ރަށްތަކަށް ހަމާސްއިން ކުއްލިއަކަށް ދިން ހަމަލާތައް ހުއްޓުވުމަށް ނާކާމިޔާބުވުމުގެ ޒިންމާ އިސްރާއީލުގެ "ޝިން ބެޓް" އިންޓެލިޖެންސް އެޖެންސީގެ ވެރިޔާ ނަގައިފި.

🔴 ފާއިތުވި 24 ގަޑިއިރުގެ ތެރޭގައި ފަލަސްތީނުގެ ހުޅަނގު އައްސޭރީގައި އިސްރާއީލުގެ ސިފައިން މަދުވެގެން 92 މީހަކު ބަންދުކޮށްފައިވާކަމަށް، ފަލަސްތީނުގެ އިންސާނީ ހައްގުތަކާ ބެހޭ ޖަމާއަތަކުން ބުނެފި.

🔴 ހަމާސްގެ ބެލުމުގެ ދަށުގައި އިސްރާއީލުގެ 200 އާއި 250 އާ ދެމެދުގެ އަދަދަކަށް މީހުން ބަންދުކޮށްފައި ތިބިކަމަށް ހަމާސްގެ ޤައްސާމް ބްރިގޭޑްސްގެ ތަރުޖަމާނު އަބޫ އޮބެއިދާ ވިދާޅުވެއްޖެ.