މިއީ ހަމާސް އާއި އިޒްރޭލު ސިފައިންނާ ދެމެދު ކުރިޔަށްދާ ހަނގުރާމައިގެ 8 ވަނަ ދުވަސް، 14 އޮކްޓޯބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 ޣައްޒާއާ ދެކޮޅަށް ހިންގާ "ހަނގުރާމައިގެ ޖަރީމާތައް" ވަގުތުން ހުއްޓާލުމަށް އީރާނުން އިޒްރޭލަށް އިންޒާރު ދީފައިވޭ. އަދި ހުއްޓާނުލައިފިނަމަ އޭގެ ބަދަލުގައި އިޒްރޭލަށް "ބޮޑު ބިންހެލުމެއް" ގެނުވާނެވަރުގެ ހަމަލާއެއް ދޭނެކަމަށް އިރާނުން ބުނެފައިވޭ.

🔴 އިސްރާއީލުގެ އަސްކަރިއްޔާއިން ވަނީ ޣައްޒާއަށް ދެމުންގެންދާ ހަމަލާތައް ފުޅާކުރުމަށް ތައްޔާރުވަމުންދާކަމުގެ އިޝާރާތްކޮށްފައި. އަދި ވަޔާއި، ކަނޑާއި، އެއްގަމު މަގުން ފުޅާ ދާއިރާއެއްގައި ޙަމަލާތައް ރާވާފައިވާ ކަމަށް ބުނެފައިވޭ.

Advertisement

🔴 މީގެ އިތުރުން އެމެރިކާއިން ބުނެފައިވަނީ އީރާނާއި ލުބުނާނުގެ ހިޒްބުالله އަށް ހުރަސްއެޅުމުގެ ގޮތުން މަތިންދާބޯޓު އުފުލާ ދެވަނަ މަނަވަރެއް މެޑިޓެރޭނިއަން ކަނޑުގެ އިރުމަތީ ސަރަހައްދަށް ބަދަލުކުރާނެ ކަމަށް.

🔴 އިސްރާއީލުން ޣައްޒާއަށް ރޭގަނޑު ވެސް ހަމަލާތައް ދީފައިވޭ. އަނެއްކޮޅުން އިޒްރޭލުން ދެކުނުގެ ސިޓީއެއް ކަމަށްވާ ޚާން ޔޫނިސްއަށް ވަދެ ފާސްކުރިއިރު، ހަމާސްގެ ހަނގުރާމަވެރިން ވަނީ އިސްރާއީލުގެ ޓެލްއަވީވް ސިޓީއާ ދިމާލަށް ރޮކެޓްތައް ފޮނުވާލާފައި.

🔴 އިސްރާއީލުން ޣައްޒާއަށް ދިން ވައިގެ ހަމަލާތަކުގައި ފަލަސްތީނުގެ 2،215 މީހުން މަރުވެ 8،714 މީހުން މިހާތަނަށް ޒަޚަމްވެފައިވޭ. އިސްރާއީލުގައި މަރުވި މީހުންގެ އަދަދު 1،300 އަށް އަރާފައިވާއިރު، 3،400 އަށް ވުރެ ގިނަ މީހުން ޒަޚަމްވެފައިވޭ. ހިފާފައިވާ ހުޅަނގު އައްސޭރީގައި ފާއިތުވި ހަފްތާގައި އިސްރާއީލުން ދިން އެހެނިހެން ހަމަލާތަކުގައި މަރުވި ފަލަސްތީނުގެ މީހުންގެ އަދަދު ވަނީ 50 އަށް ވުރެ މައްޗަށް އަރާފައި.

🔴 ފަލަސްތީނުގެ ރައްޔިތުންނާއެކު ތިބިކަން ދެއްކުމުގެ ގޮތުން އިނގިރޭސިވިލާތުގެ ލަންޑަނުގައި ބޭއްވި ހިނގާލުމުގައި އެތައް ހާސް ބަޔަކު ބައިވެރިވެފައިވޭ. އިނގިރޭސިވިލާތުގެ އެހެން ބައެއް ސިޓީތަކުގައި ވެސް އެއްވުންތައް ބާއްވާފައި ވާއިރު، އޭގެ ތެރޭގައި މެންޗެސްޓާ ވެސް ހިމެނޭ.