މިއީ ހަމާސް އާއި އިސްރާއީލާ ދެމެދު ކުރިއަށްދާ ހަނގުރާމައިގެ 7 ވަނަ ދުވަސް، 13 އޮކްޓޯބަރ 2023 ގައި ހިނގާފައިވާ މައިގަނޑު ކަންތައްތަކުގެ އުސްއަލިތަކެވެ.

🔴 ހަމާސްގެ އޮފިޝަލުން ބުނާ ގޮތުގައި ފަލަސްތީނުގެ އުތުރު ޣައްޒާއަށް އިސްރާއީލުން ދިން ވައިގެ ހަމަލާތަކުގައި ފަލަސްތީނުގެ ދިހަވަރަކަށް މީހުންގެ ފުރާނަ ވަނީ ގެއްލިފައި. މިކަން ހިނގާފައިވަނީ އިސްރާއީލުގެ އަސްކަރިއްޔާއިން މިލިއަނަކަށްވުރެ ގިނަ ފަލަސްތީނުގެ ރައްޔިތުން އުތުރު ޣައްޒާ ދޫކޮށް ދިއުމަށް އަމުރު ނެރުމުން، އެ ސަރަޙައްދު ދޫކޮށް ދާން އުޅުމުގެ ތެރޭގައި.

🔴 ހަމާސްގެ އޮފިޝަލުން ބުނާ ގޮތުގައި ފަލަސްތީނުގެ އުތުރު ޣައްޒާއަށް އިސްރާއީލުން ދިން ވައިގެ ހަމަލާތަކުގައި ފަލަސްތީނުގެ ދިހަވަރަކަށް މީހުންގެ ފުރާނަ ވަނީ ގެއްލިފައި. މިކަން ހިނގާފައިވަނީ އިސްރާއީލުގެ އަސްކަރިއްޔާއިން މިލިއަނަކަށްވުރެ ގިނަ ފަލަސްތީނުގެ ރައްޔިތުން އުތުރު ޣައްޒާ ދޫކޮށް ދިއުމަށް އަމުރު ނެރުމުން، އެ ސަރަޙައްދު ދޫކޮށް ދާން އުޅުމުގެ ތެރޭގައި.

🔴 ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން އިންޒާރު ދީފައި ވަނީ، ޣައްޒާއިން މީހުން ނެރުމުގެ އަމުރަކީ ހޮސްޕިޓަލުގައި ތިބި ބަލިމީހުންނަށް "މަރުގެ ހުކުމެއް" ކުރުން ކަމަށް.

🔴 އިސްރާއީލު ސިފައިން ލުބުނާނުގެ ދެކުނުގައި ނޫސްވެރިންގެ ގްރޫޕަކަށް ހަމަލާދިނުމުގެ ސަބަބުން ރޮއިޓާސްގެ ނޫސްވެރިއަކު މަރުވެ، އެތައް ބަޔަކު ޒަޚަމްވެފައިވާއިރު، އޭގެ ތެރޭގައި އަލްޖަޒީރާގެ ދެ ނޫސްވެރިއެއް ވެސް ހިމެނޭ.

🔴 އިސްރާއީލުން ޣައްޒާއަށް ދިން ވައިގެ ހަމަލާތަކުގައި މިހާތަނަށް ފަލަސްތީނުގެ 1،900 މީހުން މަރުވެ، 7،696 މީހުން ޒަޚަމްވެފައިވޭ.

🔴 ހުކުރު ދުވަހު އިސްރާއީލުގެ ސިފައިން ޝަހީދުކޮށްލި 16 މީހަކާއެކު، ހިފާފައިވާ ހުޅަނގު އައްސޭރީގައި މަރުވި މީހުންގެ އަދަދު މިހާރު ވަނީ 51 އަށް އަރާފައި.

🔴 އިސްރާއީލުގައި މަރުވި މީހުންގެ އަދަދު 1،300 އަށް އަރާފައިވާއިރު، ގާތްގަނޑަކަށް 2،800 މީހުން ވަނީ ޒަޚަމްވެފައި.

🔴 އިސްރާއީލު ސިފައިން ބުނަމުންދަނީ ޣައްޒާގެ ބޯޑަރުތަކުގެ ތެރޭގައި ގްރައުންޑް އޮޕަރެޝަންތައް ހިންގާފައިވަނީ، ގެއްލިގެން ހޯދަމުންދާ އިސްރާއީލުގެ މީހުންގެ ހަށިގަނޑުތައް އެއްކުރުމަށްކަމަށް.

🔴 ރަޝިޔާއިން ބުނާ ގޮތުގައި މި ހިނގަމުންދާ ހަނގުރާމައިގެ އަސްލު ދެނެގަތުމަށް، ޣައްޒާއަށް ހާލަތު ރަނގަޅަށް ދެނެގަތުން "ވަރަށް މުހިންމު" ކަމަށް. އަދި ސުލްހައިގެ މަރުހަލާ ވަކިބަޔަކަށް ފައިދާވާ ގޮތަށް އެމެރިކާއިން ކުރިޔަށްގެންދާކަމަށް ރަޝީޔާއިން ތުހުމަތު ކުރޭ.

🔴 ފަލަސްތީނަށް ތާއީދުކޮށް، އިސްރާއީލުން ޣައްޒާއަށް ދޭ ހަމަލާތައް ވަރުގަދަ ކުރަމުންދާއިރު އެކަން ކުށްވެރިކޮށް، މެދުއިރުމައްޗާއި އޭޝިއާ، ޔޫރަޕް އަދި އެމެރިކާގެ ބައެއް ހިސާބުތަކުގައި އެތައް ހާސް ބަޔަކު ދަނީ މުޒާހަރާ ކުރަމުން.