ރާއްޖެއިން ކޯވިޑް-19ގެ ހާލަތަށް އިޖާބަ ދިނުމުގެ ގޮތުން ކުރައްވާފައިވާ ކަންކަމާއި ގުޅޭ ޚުލާސާ ރިޕޯޓް މިނިސްޓްރީ އޮފް ހެލްތުން އާއްމުކޮށް ޝާއިޢުކޮށްފިއެވެ.

މިނިސްޓްރީ އޮފް ހެލްތުގެ ވެބްސައިޓުން މިހާރު މިރިޕޯޓްފެންނަން ހުންނާނެއެވެ.

މިރިޕޯޓް ރަސްމީކޮށް ނެރެދެއްވީ، މިއަހަރުގެ ސިއްޙަތު ދުވަހާއި ގުޅުވައިގެން މިދިޔަ ބުރާސްފަތި ދުވަހުގެ ރޭ، ދަރުބާރުގޭގައި ބޭއްވި ޖަލްސާގައި ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙެވެ.

ކޯވިޑް-19 އިޖާބައިގެ ޚުލާޞާ ރިޕޯޓްގައި ވަނީ، ރާއްޖެއިން ކޯވިޑް-19އަށް އިޖާބަ ދިނުމުގެ ގޮތުން ކުރި މަސައްކަތްތަކުގެ ބައެއް ތަފްޞީލްތައް ހިމަނާފައެވެ. މިގޮތުން މިހާތަނަށް ކޯވިޑް-19ގެ ހަތަރު ރާޅެއް ރާއްޖެއިން ތަޖުރިބާކުރި އިރު އެކަންކަމަށް ތައްޔާރުވުމުގެ ގޮތުން، އެނދުތައް އިތުރު ކުރުމާއި ޓެސްޓް ކެޕޭސިޓީ އިތުރުކުރުން ހިމެނެއެވެ.