މިއަދު ފާހަގަ ކުރަމުންދާ ޓީޗަރުންގެ ދުވަހުގެ މުނާސަބަތުގައި އެލައިޑް އިންޝުއަރެންސް އާއި އެލައިޑްގެ އިސްލާމިކް ވިންޑޯ، އަޔާދީ ތަކަފުލް ގުޅިގެން އެ ކުންފުނީގެ ފަރާތުން މާލޭގެ ހުރިހާ ސުކޫލަކަށް ކޭކު ހަދިޔާކޮށްފިއެވެ. އެގޮތުން މާލެ، ވިލިމާލެ އަދި ހުޅުމާލެ ހިމެނޭހެން، ޖުމްލަ 37 ސްކޫލަކަށް އެ ކުންފުނީގެ މުވައްޒަފުން ވަނީ ޒިޔާރަތްކޮށްފައެވެ.

އެ ކުންފުނިން ފާހަގަ ކޮށްފައިވާ ގޮތުގައި މިއީ ޓީޗަރުން ކުރައްވަމުން ގެންދަވާ ބުރާ މަސައްކަތް ފާހަގަކޮށް، އެކަމުގެ އަގު ވަޒަންކުރުމުގެ ގޮތުން ކުރިޔަށް ގެންދެވުނު ހަރަކާތެކެވެ. މިކަން ފާހަގަކޮށް އެ ކުންފުނިން އެކްސް ގައި ހިއްސާކޮށްފައިވާ މެދެޖެއްގައި ބުނީ، ޓީޗަރުން އެ ކުރައްވަމުން ގެންދަވާ ބުރަ މަސައްކަތް ވަރަށް ރަގަޅަށް ފެންނަކަމާއި، އެކަމަށް އަބަދު ވެސް ޝުކުރުވެރިވާކަމަށެވެ.

އެލައިޑަކީ އެއްކޮށް މަސައްކަތްކުރާ ކުންފުނިތަކާއިއެކު ވެސް، ގާތް ގުޅުމެއް ބޭއްވުމަށް އަބަދުވެސް ވަރަށް ބޮޑު އަހައްމިއްޔަތުކަމެއް ދޭ ކުންފުންޏެކެވެ. އަދި އެ ކުންފުނީގެ ސީއެސްއާރުގެ ދަށުން ގިނަ ކަންތައްތަކެއް ވެސް އެ ކުންފުނިން އާދަކޮށް ކުރިޔަށް ގެންދެއެވެ.