Advertisement
ޕާކިސްތާނުގެ ކުރީގެ ބޮޑުވަޒީރު އިމްރާން ޚާން ---
ޕާކިސްތާނުގެ ކުރީގެ ބޮޑުވަޒީރު އިމްރާންޚާން ހައްޔަރުކޮށްފި
ޕާކިސްތާނުގެ ފުލުހުން އެޤައުމުގެ ކުރީގެ ބޮޑުވަޒީރު އިމްރާންޚާން ހައްޔަރުކޮށްފިއެވެ.
އިމްރާންޚާން ހައްޔަރުކޮށްފައި ވަނީ އެމަނިކުފާނުގެ މައްޗަށް އުފުލާފައިވާ ދަޢުވާތަކުގެ ޝަރީޢަތަށް ކޯޓަށް ހާޟިރު ކުރުމުން، މިއަދު މެންދުރުފަހުއެވެ.
ޕެރަމިލިޓަރީ ފުލުހުން އިމްރާންޚާން ހައްޔަރުކޮށްގެން ގެންދާ މަންޒަރުފެންނަ ވީޑިއޯތަކެއް ސޯޝަލް މީޑިއާގައި މިހާރު ދައުރުވަމުން ދާއިރު، އެވީޑިއޯއިން ފެންނަ ގޮތުގައި ގިނަ އަދަދެއްގެ ފުލުހުން އިމްރާން ޚާން ވަށާލައިގެން ތިބެއެވެ.
Advertisement
ޕާކިސްތާނުގެ ފުލުހުން ބުނެފައި ވަނީ، އިމްރާންޚާން ހައްޔަރުކުރީ އެމަނިކުފާނާއި ދެކޮޅަށް ތަޙްޤީޤު ކުރަމުންދާ ކޮރަޕްޝަނުގެ މައްސަލައެއްގައި ކަމަށެވެ. އެހެން ނަމަވެސް އިމްރާން ޚާންވަނީ އެމަނިކުފާނުގެ މައްޗަށް ކުރާ ހުރިހާ ތުހުމަތުތަކެއް ދޮގުކުރައްވާފައެވެ.
ފުލުހުން އިމްރާންޚާން ހައްޔަރުކޮށްގެން ގެންދިޔަ ތަނެއް ޕާކިސްތާނު ފުލުހުން ހާމައެއް ނުކުރެއެވެ. އެހެން ނަމަވެސް އިމްރާން ޚާން ހައްޔަރު ކުރުމާއި ގުޅިގެން ޕާކިސްތާނުގެ ފުލުހުންނާއި، އާއްމުންނާއި ދެމެދު ވަނީ ކުރިމަތިލުންތަކެއް ހިނގާފައެވެ.
