ލ. ގަން ލިންކުރޯޑުގައި ކާރަކާއި ސައިކަލެއް ޖެހި ހިނގި އެކްސިޑެންޓެއްގައި މީހަކު މަރުވެއްޖެއެވެ. މިއެކްސިޑެންޓްގައި މަރުވީ ސައިކަލު ދުއްވަން އިން މީހާއެވެ. 

ސައިކަލް ދުއްވަން އިން މީހާއަށް ހޮސްޕިޓަލުގައި ފަރުވާ ދެމުންދަނިކޮށް މަރުވެފައިވަނީ ރޭ 1.51 ހާއިރުއެވެ. އޭނާގެ އުމުރަކީ 41 އަހަރެވެ. އޭނާއަކީ ސައިކަލު ދުއްވުމުގެ ލައިސަންސް އޮންނަ މީހެއްކަމަށް ފުލުހުން ވިދާޅުވެއެވެ.

މިއެކްސިޑެންޓުގައި ސައިކަލް ދުއްވަން އިން މީހާއާއި ކާރުގައި ތިބި 2 މީހުންގެ ތެރެއިން އެކަކު ގަން ރީޖަނަލް ހޮސްޕިޓަލަށް ފަރުވާ ދިނުމަށް ގެންދިޔައެވެ.

ފުލުހުން ވިދާޅުވީ ގަމު ލިންކް ރޯޑުގައި އެކްސިޑެންޓެއް ހިގައިގެން އުޅޭ ކަމުގެ ރިޕޯޓް ފުލުހުންނަށް ލިބުނީ އިއްޔެ އިރުއޮއްސި 18:25 އެހާކަށްހާއިރުކަމަށެވެ. 

ފުލުހުން ވިދާޅުވީ ކާރު ދުއްވަން އިނީ 28 އަހަރުގެ ދިވެހި ފިރިހެނެއްކަމަށާއި އޭނާ އަކީ ކާރު ދުއްވުމުގެ ލައިސަންސް ނެތް މީހެއްކަމަށެވެ. އަދި މިމީހާއަށް ގަމު ހޮސްޕިޓަލްގައި އަންނަނީ ފަރުވާދެމުންނެވެ.