ސައްހަ ނޫން 500 ރުފިޔާގެ ނޫޓު ދައުރުވާ ކަމަށް ސޯޝަލް މީޑިއާގައި ދެކެވޭ ވާހަކަ މަރުކަޒީ ބޭންކް، އެމްއެމްއޭއިން ދޮގުކޮށްފިއެވެ.

ސޯޝަލް މީޑިއާގައި ސައްހަ ނޫން 500 ރުފިޔާގެ ނޫޓުކަމަށް ބުނެ ދައުރު ކުރީ، ނޫޓު ސައިޒު ކުޑަ ކަމަށް ބުނެ އެވެ. އެހެންކަމުން ނޫޓުގެ ސައްހަ ކަމާއިމެދު ވަނީ ސުވާލުއުފައްދާފައެވެ. 

އެމްއެމްއޭ އިން ބުނީ، ސޯޝަލް މީޑިއާގައި ސައްހަ ނޫން ކަމަށް ބުނެ ދައުރު ވަމުން ދާ 500 ރުފިޔާގެ ނޫޓު އެ އިދާރާއިން ގެނެސް ޗެކް ކުރި އިރު އެއީ ސައްހަ ނޫޓެއްކަން ޔަގީން ވެފައިވާ ކަަމަށެވެ. ނޫޓުތަކުގެ އެކި ބެޗްތަކުގައި ނޫޓުތަކުގެ ސައިޒުގައި ކުޑަ ތަފާތެއް ހުރެދާނެ ކަމަށް އެމްއެމްއޭއިން ވަނީ ބުނެފައެވެ.

ރާއްޖެއަށް ޕޮލިމާ ނޫޓު ތައާރަފްކުރީ ރާއްޖޭގެ މިނިވަން ކަމަށް 50 އަހަރު ފުރުމާ ދިމާކޮށް 2016 ވަނަ އަހަރު އެވެ. އެ ނޫޓު ސީރީޒްގެ ދަށުން 5، 10، 20، 100، 500 އަދި 1،000 ރުފިޔާގެ ނޫޓު ތައާރަފްކުރި އެވެ.