Advertisement

13 Apr 2023
ލައިފްސްޓައިލް
ވިޝާމް

ހަފްތާ ބަންދާއި ނެޓްފްލިކްސް!

ހަފްތާ ބަންދާއި ދިމާކޮށް އަބަދުވެސް އެންމެ ހާއްސަކަމެއް ދެވެނީ ކޮންމެސް ފިލްމެއް ނުވަތަ ސީރީސް އެއް ބަލާލުމަށެވެ. އެކަމަކު އޯ.ޓީ.ޓީ ޕްލެޓް ފޯމުތައް ގިނަވުމާއެކު، މީހުނަށް ލިބިފައިވާ އޮޕްޝަންތައް ވެސް މިވަނީ ގިނަވެފައެވެ. ނަތީޖާއަކަށް ވަނީ އެތައް އިރެއް ވަންދެން ބަލާނެ އެއްޗެއް ނޭނގި، ސްކްރޯލް ކޮށްލަ ކޮށްލާ ހުރެވުމެވެ. އެހެންކަމުން މިވަގުތު ނެޓްސްފްލިކްސް ގައި ހިމެނޭ ބައެއް ފިލްމުތަކާއި ސީރީސްތަކުން ހާއްސަ ލިސްޓެއް ގެނެސްދޭނަމެވެ.

1. ދަ ނައިޓް އެޖެންޓް

ސްޕައި ކްރައިމް ތްރިލާތަކަށް ލޯބިކުރާ ފަރާތްތަކަށް މިސީރީސް ވަރަށް ކަމުދާނެއެވެ. މާރިޗު 23ގައި ރިލީސްކުރި މި ސީރީސް އަދިވެސް އުޅެނީ ދިވެހިންގެ ޓޮޕް 10 ލިސްޓުގައެވެ. 10 އެޕިސޯޑު ހިމެނޭ މިސީރީސްގައި ދައްކުވައިދެނީ ވައިޓް ހައުސްގައި އިންނަ އެމަރޖެންސީ ލައިނަކަށް އަންނަ ފޯނު ކޯލެއް ނަގާ އެފް.ބީ.އައި އޭޖެންޓަކަށް ދިމާވާ ކަންތައްތަކެކެވެ. މިސީރީސް އަތުރާލާފައި ވަނީ ގޮނޑީގެ ކުރީގައި މުށްބާރުކޮށްލައިގެން ބަލާލެވޭހާ ޝައުގުވެރި ގޮތަކަށެވެ. އަދި މިއީ ފަހަކަށް އައިސް ނެޓްފްލިކްސް އަށް އައި އެންމެ ފެންވަރު ރަނގަޅު އެއް މަސައްކަތެވެ. މިސީރީސް އަށް ލިބުނު ކާމިޔާބާއެކު މިހާރު ވަނީ ދެވަނަ ސީޒަންއެއް ވެސް އެނައުންސް ކޮށްފައެވެ.

2. ބީފް

'އޭ 24' އަކީ އޮސްކާ ލިބިފައިވާ ގިނަ ފިލްމުތަކެއް އުފައްދާފައިވާ ޕްރޮޑަކްޝަން ހައުސްއެކެވެ. އެގޮތުން 'އެވްރިތިންގ އެވްރީވެއަރ އޯލް އެޓް ވަންސް' ، 'ދަ ވޭލް' ފާހަގަކޮށްލެވެއެވެ. އަދި މިފަހަރުގެ ޕްރޮޑަކްޝަން އަކީވެސް ފަހަކަށް އައިސް ނުފެންނަ ކަހަލަ މޮޅު ސީރީސްއެކެވެ. 10 އެޕިސޯޑު ހިމެނޭ މިސީރީސް ރާވާލާފައި ވަނީ ނުދަންނަ ދެމީހުންގެ ދެމެދު މަގުމަތީގައި ހިނގާ ހާދިސާއަކާއި ގުޅިގެން ދެމީހުން އެކަކު އަނެކަކުގެ ކިބައިން ބަދަލުހިފުމަށް ކުރާ ކަންތައްތަކެއްގެ ސަބަބުން ދެމީހުންގެ ދިރިއުޅުން އެފުށްމިފުށަށް ޖެހިގެން ދާތަނެވެ. އެހެންކަމުން، މިސީރީސްގައި، ތްރިލް، ކްރައިމް، ކޮމެޑީ އަދި ޑްރާމާގެ ބައިތައް ވެސް ހިމެނެއެވެ. މިއީ އިންސާނުންގެ ހުންނަ ނުރަނގަޅު އާދަތަކާއި އުނިސިފަތައް ވަރަށް ރީއްޗަށް ގެނެސްދީފައިވާ ސީރީސްއެކެވެ. އަދި ލީޑު ރޯލް ކުޅެފައިވާ އޭޝިއަން ދެ އެކްޓަރުން ކަމުގައިވާ އަލީ ވޮންގާއި  ސްޓީވަން ޔަންގެ އެކްޓިންގ ވަރަށް ވެސް ސަޅިއެވެ.

3. ޗޯރް ނިކަލް ކޭ ބާގާ

ހިންދީ ފިލްމުތަކަށް ލޯބިކުރާ ފަރާތްތަކަށް މިފިލްމު ކަމުދިއުން ވަރަށް އެކަށޭނައެވެ. ޔާމީ ގައުތަމް އާއި ސަނީ ކޯޝަލްގެ ފުރިހަމަ އެކްޓިންގ އެއް ފެނިގެންދާ މިފިލްމު ބިނާކޮށްފައި ވަނީ ޕްލޭން ހައިޖޭކެއްގެ މައްޗަށެވެ. އަދި ދެމީހުންގެ މާޒީ ދައްކަމުން ދާވަރަކަށް ފިލްމުގެ ޓްވިސްޓްތައް ގިނަވެ، ބެލުންތެރިންގެ ޝައުގު ހިފަހައްޓަން މަސައްކަތް ކޮށްފައިވެއެވެ. ފޫނުބެދޭ ދެތިން ކަމެއް ހުރިނަމަވެސް މިއީ އެއްފަހަރު ބަލާލަން ރަނގަޅު ފިލްމެކެވެ.

4. ހަންގަރ

ތައިލެންޑުގެ މިފިލްމަކީ ވަރަށް ފުރިހަމައަށް ފަށުމަކާއި ފުރަތަމަ ހާފެއް ހިމެނޭ ފިލްމެކެވެ. ކެއްކުމަށް ލޯބިކުރާ ފަރާތްތަކުން މިފިލްމު ބަލާލުން ވަރަށް ރަނގަޅެވެ. މިފިލްމު ބިނާކޮށްފައިވަނީ އާއިލާގެ އާދައިގެ ކެފޭއެއްގައި ކައްކާއަކަށް މަސައްކަތްކުރާ އަންހެން ކުއްޖަކަށް 'ޓީމް ހަންގަރ' ފަދަ މަޝްހޫރު އަދި މީހުން ޖެހިލުންވާ ޝެފެއް ގާތުގައި މަސައްކަތް ކުރަން ލިބުމުން ކަންތައްތައް ވެގެންދާގޮތެވެ. ކެމެރާ ވޯކްއާއި ޝޮޓްތަކަށް ބަލާލިއަސް މިއީ ވަރަށް ފެންވަރު ރަނގަޅު މަސައްކަތެވެ. އެކަމަކު ހިތާމައަކީ ފިލްމު ކުރިއަށް ދާ ވަރަކަށް އަހަރެމެންގެ 'ހަންގަރ' ނުވަތަ ބަނޑުހައި ހޫނުކަމަށް ހައްލެއް ނުލިބޭތީއެވެ. ފިލްމު ނިންމާލަނީ އެއްވެސް ކަހަލަ ހައިޕެއް ނެތިއެވެ.

5.  މާޑަރ މިސްޓަރީ 2

މިފިލްމުގެ އެއްވަނަ ބައި ކަމުދިއަ ފަރާތްތަކަށް މިބައިވެސް ކަމުދިއުން އެކަށީގެންވެއެވެ. ނަމަވެސް ކުރީގެ ބަޔަށް ވުރެ މިފަހަރުގެ ފިލްމު ހަމަގައިމުވެސް ލޮނުމަޑެވެ. ކޮމެޑީ ކްރައިމް ތްރިލާއަކަށް ބިނާކޮށް ހަދާފައިވާ މިފިލްމުގެ ހަމައެކަނި ކަމުދިއައީ ޖެނިފާ އެނިސްޓަން އާއި އެޑަމް ސޭންޑްލަރގެ ކެމިސްޓްރީއެވެ. އޭގެ އިތުރުން ދެން މާ ކަމުދާކަމެއް ނެތެވެ. ފިލްމުގައި ސަސްޕެންސް ކުޑަވެފައި އޮއްޓަރެއް ނެތެވެ. އަދި ބަލާބެލުމަށް މިއީ ވަރަށް ކަންނެތް މަސައްކަތެކޭ ބުނެވިދާނެއެވެ.

ވީމާ، ސްކްރޯލްކުރުން ހުއްޓާލާފައި، މިލިޔުން ކިޔާލުމަށްފަހު ތިބޭފުޅުން އެންމެ ބަލާހިތްވާ ސީރީސް ނުވަތަ ފިލްމަކައިގެން އަވަހަށް ކުރިއަށް ދާންވީއެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.