Advertisement

21 Aug 2023
ޚަބަރު

މިއަދު ބޭނުންވަނީ ޤައުމު ދެކެ ލޯބިވާ، ޤައުމުގެ މައްސަލަތައް ހައްލުކޮށްދެވޭނެ މީހެއް - ޑރ ވަހީދު

2023 ވަނަ އަހަރުގެ ރިޔާސީ އިންތިހާބާ ގުޅިގެން، ވެރިކަމަށް ވާދަކުއްވާ ފަރާތްތަކުގެ ތެރެއިން ޤައުމު ދެކެ އެންމެ ލޯބިވާ، ޤައުމުގެ މައްސަލަތައް ހައްލުކޮށްދެވޭނެ މީހަކީ ގާސިމް އިބްރާހިމް ކަމަށް ކުރީގެ ރައީސް ޑރ ވަހީދު ވިދާޅުވެއްޖެއެވެ. ޑރ ވަހީދު މިހެން ވިދާޅުވެފައި ވަނީ އިންތިހާބާ ގުޅިގެން ޖުމްހޫރީ ޕާޓީގެ ފަރާތުން ރަށްރަށަށް ކުރަމުން ގެންދާ ކެމްޕެއިން ދަތުރުތަކުގެ ތެރެއިން ށ އަތޮޅު ފުނަދޫގައި ބޭއްވި ޖަލްސާއެއްގެ ތެރެއިންނެވެ.
ވަހީދު ވިދާޅުވެފައިވަނީ އެ މަނިކުފާނު ރާއްޖޭގެ ވެރިކަމާ ހަވާލުވެ ހުންނެވި މަދު ދުވަސްކޮޅުގެ ތެރޭގައި ދިމާވި ގޮންޖެހުންތަކުގެ ސަބަބުން ރާއްޖޭގެ މިހާރުގެ ހާލަތު ބަދަލުކޮށްލުމަށް އެންމެ އެކަށީގެންވަނީ ކާކުކަން އެ މަނިކުފާނަށް އެނގިވަޑައިގަންނަވާކަމަށެވެ. އަދި އެ ބޭފުޅަކީ ޖޭޕީގެ ކެނޑިޑޭޓު ގާސިމް އިބްރާހިމްކަމަށް އެ ބޭފުޅާ ވިދާޅުވިއެވެ. އަދި މިހާރު ކުރިމަތިލައްވާފައި ތިއްބެވި ކެނޑިޑޭޓުންނަށް ވިސްނާކަމަށް ވާނަމަ އެމްޑިޕީއާއި ޕީޕީއެމްގެ ފަރާތުން ނުކުންނަވާ ތިއްބެވި ކެނޑިޑޭޓުންނަކީ ނެތްބައެއް ކަމަށް ވިސްނެވުމަށް ވަހީދު ވަނީ ރައްޔިތުންނަށް ގޮވާލައްވާފައެވެ. 
ވަހީދު މިހެން ވިދާޅުވެފައިވާ އިރު ޕީޕީއެމްގެ ޓިކެޓުގައި ވެރިކަމަށް ކުރިމަތިލެއްވުމަށް އެ ބޭފުޅާ ވިސްނެވިކަމަށާއި އަދި އެ މަގާނު އެ ބޭޅުއާއަށް ދެއްވާނެކަމަށް އުންމީދު ކުރެއްވިކަމަށް ވެސް މީގެ ކުރިން ޖަލްސާއެއްގައި އެ މަނިކުފާނު ވަނީ ފާހަގަކުރައްވާފައެވެ. ނަމަވެސް ޕީޕީއެމްގެ ފަރާތުން އެ ޕާޓީގެ ރިޔާސީ ޓިކެޓު މުއިއްޒުއަށް ދޭން ނިންމި ހިސާބުން ފެނިގެންދިޔައީ، ޑރ ވަހީދު ޕީޕީއެމް ދޫކުރައްވާ، ޖުމްހޫރީ ޕާޓީއާ ގުޅިވަޑައިގެން މަންޒަރެވެ. އެހެންކަމުން މިހާރު އުފެދޭ ސުވާލަކީ މީގެ ކުރިން ޑރ ވަހީދު ޕީޕީއެމަށް ތާއީދު ކުރެއްވީ ހަމަ ޙަޤީޤަތުގައި ވެސް ޕީޕީއެމްގެ ސިޔާސަތުތައް ހަރުދަނާ ވީމަބާއެވެ. ނުވަތަ ރިޔާސީ ޓިކެޓުގެ ބޭނުމުގަބާއެވެ.

ކޮމެންޓް
އިތުރު އާޓިކަލް
16 Sep 2024
ޚަބަރު
މަގުމަތިން މީހެއްގެ އަތުން ސައިކަލެއް ފޭރުނު މީހަކު ހައްޔަރުކޮށްފި
ފުލުހުންގެ އިދާރާއިން ވިދާޅުވީ، މަގުމަތިން މީހެއްގެ އަތުން ސައިކަލެއް ފޭރިގަތް މައްސަލައިގައި ހައްޔަރުކޮށްފައި ވަނީ، މާލެ ދަފްތަރު ނަމްބަރު 5624، އަޙްމަދު ޝައިރަފް ޢަބްދުއްރަޙީމް (30އ) ކަމަށެެވެ.
16 Sep 2024
ޚަބަރު
މާލޭގެ ގެއަކަށް ފިރިހެނަކު ވައްދައި ފޭރުނު ބަޔަކަށް ދައުަވާކުރަން ފޮނުވައިފި
މިގޮތުން، މއ. މަސްފަން، ޢާއިޝަތު (43އ) އާއި މއ. މަސްފަން، މުޙައްމަދު ރީހާން (27އ) އަދި ސ. ހިތަދޫ / ސޯމާ، ޝަފީޤު އިބްރާހީމް (35އ) މައްޗަށް ދައުވާކުރުމާ މެދު ގޮތެއް ނިންމައިދިނުމަށް އެދި ޕްރޮސެކިއުޓަރ ޖެނެރަލްގެ އޮފީހަށް މައްސަލަ ފޮނުވާފައިވަނީ މި ސެޕްޓެންބަރު މަހުގެ 9 ވަނަ ދުވަހުގައި ކަމަށް ފުލުހުންގެ އިދާރާއިން ވިދާޅުވިއެވެ.
16 Sep 2024
ޚަބަރު
ރާވައިގެން މީހަކު ގެސްޓް ހައުސަކަށް ގެންގޮސް ފޭރުނު ދެމީހުންނަށް ދައުވާކުރަން ފޮނުވައިފި
ފުލުހުންގެ އިދާރާއިން ވިދާޅުވީ، ފޭރުމުގެ އެ ޢަމަލު ހިންގި ގ. އޯލްޕެރިސް، އަޙްމަދު މިހާދު (44އ) އަދި ގ. ރަނައުރާގެއާގެ، ރިމާނާ މޫސާ (39އ) މައްޗަށް ދައުވާކުރުމާ މެދު ގޮތެއް ނިންމައިދިނުމަށް އެދި ޕްރޮސެކިއުޓަރ ޖެނެރަލްގެ އޮފީހަށް ފޮނުވާފައި ވަނީ މި ސެޕްޓެންބަރު މަހުގެ 12 ވަނަ ދުވަހުގައި ކަމަށެވެ.
16 Sep 2024
ޚަބަރު
ޕީޖީގެ މަޤާމައް ޢައްބާސް ޝަރީފް ޢައްޔަނުކުރުމަށް ރުހުންދޭން ފެންނަކަމަށް ކޮމިޓީން ފާސްކޮށްފި
އެކޮމިޓީން މިއަދު ވަނީ، އައްބާސް ޝަރީފާއި އިންޓަރވިއުކޮށްފައެވެ. މިގޮތުން، އިންޓަރވިއު ކުރުމަށް ބޭއްވި ބައްދަލުވުން ނިންމަވާލެއްވުމަށްފަހުގައި، ކޮމިޓީގެ މުޤައްރިރު، މަނަދޫ ދާއިރާގެ މެމްބަރު ޙުސްނީ މުބާރިކް ވިދާޅުވީ، ޕީޖީގެ މަޤާމަށް ޢައްޔަނުކުރެއްވުމަށްޓަކައި، ޢައްބާސް ޝަރީފްގެ ޝަރުޠު ހަމަވާކަމަށާއި އަދި އޭނާ އެމަޤާމަށް ޢައްޔަނުކުރެއްވުމާއު ގުޅޭ ގޮތުން ޝަކުވާއަށް ހުޅުވާލި ފުރުޞަތުގައި އެއްވެސް ޝަކުވާއެއްވެސް ލިބިފައި ނުވާ ކަމަށެވެ. އަދި އިންޓަވިއުގައި މެމްބަރުން މާކްސް ދެއްވި ގޮތަށް ބަލާއިރު ޢައްބާސް ޝަރީފަށް، %93.7 އިންސައްތަ މާކްސް ލިބިވަޑައިގެންނެވި ކަމުގައިވެސް ކޮމިޓީގެ މުޤައްރަރު ވިދާޅުވިއެވެ.