ވާރޭ ނުވެހި ދިގުލައިގެން ގޮސް ކުރިމަތިވި ހަނަފަސްކަމުގައި ސްރީލަންކާއިން ސާދަ ހާސް އޭކަރުގެ ދަނޑުބިންތައް ހަލާކުވެއްޖެއެވެ.

ސްރީލަންކާގެ އެގްރިކަލްޗަރ މިނިސްޓްރީ ހާމަކޮށްފައިވާ ގޮތުގައި، މޫސުމަށް ބަަދަލުއައުމާއި ވާރޭ ނުވިހި ދިގުލައިގެން ދިޔުމުންގެ ސަބަބުން ސްރީލަންކާގެ އުތުރުގެ ސަރަހައްދުތަކުގައި ދިރިއުޅޭ ދަނޑުވެރިންނަށް ވަނީ ވަރަށް ހަނަފަސްކަމުގެ ސަބަބުން ވަރަށް ބޮޑު ގެއްލުމާއި ކުރިމަތިލާން ޖެހިފައެވެ.

ސްރީލަންކާގެ ރަސްމީ ފަރާތްތަކުން ހާމަކޮށްފައިވާ ގޮތުގައި، 15 ޑިސްޓްރިޓަކުން، 210،652 ދަނޑުވެރިންނަށް ވަނީ، މި ގެއްލުންތަކާއި ކުރިމަތިލާންޖެހިފައެވެ. އޭގެ ތެރޭގައި ހިމެނެނީ، ރަތުނަޕޫރާ، ޓްރިންކޮމަލީ، ބައްޓިކަލޯއާ، އަމްޕަރާ، ޕުއްޓަލަމް، ކުރުނެގަލާ، ޖަފްނާ، މަނާރްމ މުއްލައިތިވޫ، ބަޑުލާ، މޮނަރަގަލާ، ހަމްބަންޓޯޓާ، ގަންޕަހާ އާއި މަޓާލޭގެ ދަނޑުވެރިންނެވެ.

Advertisement

ސްރީލަންކާ ސަރުކާރުން ވުނީ، ދަނޑުތަކަށް ލިބުނު ގެއްލުންތައް ބަލައި ސާވޭކޮށް އިންޝުއަރެންސް ހޯދައިދިނުމުގެ މަސައްކަތަށް މިހާތަނަށް 3 ޓީމެއް ވަނީ ފޮނުވާފައެވެ.

ސްރީލަންކާއަކީ ގިނަ އަދަދަކަށް ހަނޑޫހައްދާ ޤައުމެކެވެ.