Advertisement
ވިނަރެސް ފްލެޓަކުން ޚަބަރު ހުސްވެފައި އޮތް އަންހެނަކު ފެނިއްޖެ
ވިނަރެސް ފްލެޓަކުން ޚަބަރު ހުސްވެފައި އޮތް އަންހެނަކު ފެނިއްޖެއެވެ.
ފުލުހުން ހާމަކޮށްފައިވާ ގޮތުގައި، ހޭނެތިފައި އޮއްވާ ފެނިފައި ވަނީ އުމުރުން 21 އަހަރުގެ އަންހެނެކެވެ.
ފުލުހުން މި މައްސަލައިގައި ހަރަކާތްތެރިވާން ފެށީ، މިއަދު ހެނދުނު 6 ޖަހާކަށްހާއިރު ލިބުނު ރިޕޯޓަކާ ގުޅިގެންނެވެ. ވިނަރެސް ފްލެޓެއްގެ ތެރެއިން އަންހެނަކު ރޯ އަޑު އިވޭކަމަށް ލިބުނު މި ރިޕޯޓާ ގުޅިގެން ފުލުހުން އެތަނަށް ދިޔައިރު އެ އެޕާޓްމެންޓު ހުރީ ތަޅުލާފައެވެ.
އެހެންކަމުން ފުލުހުން އެ ތަނަށް ވަނީ ދޮރު ވައްޓާލުމަށްފަހުކަމަށް ހާމަކޮށްފައިވެއެވެ. އަދި އެ މީހާއަށް ފަރުވާ ދިނުމަށް ހުޅުމާލެ ހޮސްޕިޓަލަށް މިހާރު ވަނީ ގެންގޮސްފައެވެ.
އެ އަންހެން މީހާ ފެނުނުއިރު އެޕާޓްމަންޓުގައި އިތުރު މީހަކު ނެތް ކަމަށްވެސް ފުލުހުން ވިދާޅުވިއެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރައްވަމުންނެވެ.
