Advertisement
ކޮރަޕްޓު ނިޒާމު ރަނގަޅު ކުރެވޭނީ އެ ނިޒާމުގެ ތެރޭގައި ހުރެ: ނަޒާހާ
މިހާރު ރާއްޖޭގައި އޮތް ކޮރަޕްޓު ނިޒާމު ރަނގަޅު ކުރެވޭނީ އެ ނިޒާމުގެ ތެރޭގައި ހުރެކަމަށް ބުނެ، ޒުވާނުންނާ ގުޅޭ ކަންކަމުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒުއަށް ލަފާ އެރުވުމަށް އުފެއްދި ޕްރެޒިޑެންޝަލް ޔޫތު އެޑްވައިޒަރީ ބޯޑުގެ ނައިބު ރައީސްކަން ކުރައްވާ ނަޒާހާ ނަޒީމް ބުނެފިއެވެ.
ނަޒާހާ މިހެން ބުނީ، ޔުމްނު ވެއްޓިފައޮތް މައްސަލައާ ގުޅިގެން ސިލްސިލާކޮށް މިހާރު ކުރަމުންދާ މުޒާހަރާގައި ރޭ ވާހަކަ ދައްކަމުންނެވެ.
މި ބޯޑުގެ ރައީސްގެ މަގާމުގައި ހުންނެވި ރައީސް އޮފީހުގެ އަންޑާ ސެކްރެޓަރީ ފޯ ޑިޖިޓަލް ސްޓްރެކީގެ މަގާމުން ވަކި ކުރުމުގެ ބަދަލުގައި މި މައްސަލައާ ގުޅިގެން ވަނީ ސަސްޕެންޑްކޮށްފަ އެވެ. ދާއޫދުގެ މައްޗަށް މަސްތުވާތަކެތި ބޭނުން ކުރުމުގެ ތުހުމަތު ވަނީ އަމާޒުވެފައެވެ.
މީގެ ދެ ދުވަސް ކުރިން ސޯޝަލް މީޑިއާގައި ނަޒާހާ ވަނީ އެ މަގާމުން ދާއޫދު ވަކިނުކޮށްފިނަމަ އޭނާ ހުރި މަގާމުން އިސްތިއުފާ ދޭނެ ކަމަށް ބުނެފައެވެ. ނަމަވެސް ޔޫތު އެޑްވައިޒަރީ ބޯޑުން ދާއޫދު ވަކިކުރުމުގެ ކުރިން އޭނާ އަމިއްލައަށް އިސްތިއުފާ ދިންކަމަށް ރައީސުލްޖުމްހޫރިއްޔާގެ އޮފީހުން ވަނީ ހާމަކޮށްފައެވެ.
އެއާއެކު، މުޒާހަރާ ކުރަން ތިބި ޒުވާނުން ވަނީ ނަޒާހާގެ ވާހަކަތަކާ މެދު ހިތްހަމަނުޖެހި "ކަމަކު ނުދޭ، ކަމަދު ނުދޭ،" ކަމަށް ބުނެ އަޑުގަދަކޮށްފަ އެވެ. އަދި އޭނާގެ އިސްތިއުފާއަށް ވެސް ގޮވާލި އެވެ.
