ވެލާނާ އިންޓަނޭޝަނަލް އެއާޕޯޓަށް ފުރަން ދިޔަ މީހެއްގެ އަތުން ވަޒަންތަކެއް ފެނުނު މައްސަލަ ބަލަން ފަށާފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، އެމީހާގެ އަތުން ވަޒަންތަކެއް ފެނުނު މައްސަލަ ހުށައަޅާފައި ވަނީ ރޭގައި ކަމަށެވެ. އަދި އެމީހާ ހައްޔަރުކޮށް އޭނާގެ ބަންދަށް 6 ދުވަސް ޖަހާފައިވާ ކަމުގައިވެސް ފުލުހުންގެ އިދާރާއިން ވިދާޅުވިއެވެ. 

ހައްޔަރުކުރި މީހާއަކީ، ކޮން ޤައުމެއް ގެ މީހެއްކަމެއް ފުލުހުންގެ އިދާރާއިން ވިދާޅުވެފައެއް ނުވެއެވެ. އެހެން ނަމަވެސް އެމީހާއަކީ، ފަތުރުވެރިއެއްގެ ގޮތުގައި ރާއްޖެއަށް އެތެރެވުމަށް ފަހުގައި ފުރަން ދިޔަ މީހެއް ކަމުގައި ފުލުހުންގެ އިދާރާއިން ވިދާޅުވިއެވެ.