ޢީދުއަލިން ރާއްޖެ ދިއްލާލައިފިއެވެ.

އެކަމަށްޓަކައި މިރޭ ހުޅުމާލެ ސެންޓްރަލް ޕާކުގައި ވަނީ ޚާއްޞަ ރަސްމިއްޔާތެއް ބާއްވާފައެވެ. 

މި ރަސްމިއްޔާތުގައި ޢީދު އަލި ހަރަކާތް ފައްޓަވައިދެއްވީ އިސްލާމީ ކަންތައްތަކާބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދުއެވެ.

ފިޠުރު އީދަށް މާލެ ސަރަހައްދު ރަސްމީކޮށް މިރޭ ދިއްލާލާފައި ވާއިރު، ޢީދަށް އަތޮޅު ތެރޭގެ ރަށްތައް ދިއްލުމަށްޓަކައި، 28 މިލިޔަން ރުފިޔާ ވަނީ ޚަރަދުކޮށްފައެވެ. އަދި 36 ރަށަކަށް ސަރުކާރުން މި އީދުގައި ޢީދު ލައިޓްތައް ފޮނުވާފައިވެއެވެ.

ޢީދު އަލިން ރާއްޖެ ދިއްލާލުމަކީ، ސީދާ ރައީސުލްޖުމްހޫރިއްުޔާގެ ލަފާފުޅާއި އިރުޝާދުގެ ފަށުން މިދިޔަ އަހަރު ފަށާފައިވާ ކަމެކެވެ.