Advertisement
ޖޭއެސްސީގެ މެމްބަރުން --
ޖޭއެސްސީގެ މެމްބަރުންގެ ސުލޫކީ މައްސަލައެއް މަޖިލީހަށް ހުށައަޅައިފި
ޖުޑީޝަލް ސާވިސް ކޮމިޝަން ޖޭއެސްސީގެ މެމްބަރުންގެ ސުލޫކީ މައްސަލައެއް މަޖިލީހަށް ހުށައަޅައިފިއެވެ.
އެ މައްސަލަ މަޖިލީހަށް ހުށަހެޅުއްވީ ސުޕްރީމް ކޯޓުގެ ފަނޑިޔާރު، ޑރ. އަޒްމިރާލްދާ ޒާހިރު އެވެ.
އަޒްމިރާލްދާ އެމައްސަލަ ހުށައެޅުއްވީ، އޭނާގެ މައްޗަށް ޖޭއެސްސީން ހިންގަމުންދާ ސުލޫކީ މައްސަލަތަކުގެ ތަހުގީގު ހިންގުމުގައި ޖޭއެސްސީގެ މެންބަރުން، އެ ކޮމިޝަނުގެ ގާނޫނުގެ 17 ވަނަ މާއްދާގައި ބަޔާން ކުރާ ސުލޫކީ މިންގަނޑާ ހިލާފުވެފައިވާކަމަށް ބުނެއެވެ.
އެމައްސަލަ ރައްޔިތުންގެ މަޖިލީހަށް އަޒްމިރަލްދާގެ ފަރާތުން ހުށައަޅުއްވާފައި ވަނީ އާދީއްތަ ދުވަހުގައެވެ.
ސްޕްރީމްކޯޓުގެ ފަނޑިޔާރުންގެ މައްސަލަތަކެއް ކުއްލިއަކަށް ޖޭއެސްސީން ބަލަން ފަށައި އެފަނޑިޔާރުން ސަސްޕެންޑްކޮށްފައި ވަނީ، ސަރުކާރުން ޖޭއެސްސީއަށް ނުފޫޒު ފޯރުވައިގެން ކަމުގައި ފަނޑިޔާރުންނާއި، އާއްމު ރައްޔިތުން އަދި ޤާނޫނީ ދާއިރާގައި މަސައްކަތްކުރައްވާ އެހެން ބޭފުޅުންވެސް ގެންދަވަނީ ވިދާޅުވަމުންނެވެ.
އަދި ސަރުކާރުން ބޭނުންވާ ގޮތަށް ޤާނޫނާއި ޤަވާއިދުތަކާއި އުސޫލުތަކާއި ޚިލާފަށް ޖޭއެސްސީން އަމަލުކުރަމުން އަންނަ ކަމުގައިވެސް އަޒްމިރާލްދާ ހުށައެޅުއްވި މައްސަލަގައި ބަޔާންކޮށްފައިވެއެވެ.
މިމައްސަލަ ހުށައަޅާފައި ވަނީ ރައްޔިތުންގެ މަޖިލީހުގެ ޖުޑިޝަރީ ކޮމިޓީއަށެވެ.
