ހުޅުމާލެ ފޭސް 2 ގައި ކުޑަކުދިންތަކެއްގެ މެދުގައި މާރާމާރީ ހިނގައި އެއްކުއްޖަކު ޒަޚަމްކޮށްލައިފިއެވެ.

ފުލުހުންގެ އިދާރާއިން ވިދާޅުވީ، ތޫނު ހަތިޔާރު ބޭނުންކޮށްގެން ކުޑަކުދިންތަކެއް މާރާމާރީ ހިންގާކަމުގެ ރިޕޯޓް ފުލުހުންނަށް ލިބުނީ މިރޭގެ 10:00 ހާއިރުގައި ކަމަށެވެ. 

ފުލުހުންގެ އިދާރާއިން ވިދާޅުވީ، މިމާރާމާރީގައި ޝާމިލްވާ ހުރިހާ ކުދިންނަކީވެސް އުމުރުން 18 އަހަރު ނުފުރޭ ކުޑަކުދިން ކަމަށެވެ. އަދި މާރާމާރީއާ ގުޅިގެން 2 ކުއްޖަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށާއި 4 ކުއްޖަކު ހިފަހައްޓާފައިވާކަމުގައި ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ، މާރާމާރީގެ މިމައްސަލަ ފުލުހުން ތަޙްޤިޤު ކުރަމުންދާ ކަމަށެވެ.