ރައީސުލްޖުމްހޫރިއްޔާ ޑރ، މުޙައްމަދު މުއިއްޒު ނިންމަވާފައިވާ ގޮތަށް މިއަހަރުގެ ރަމަޟާން މަހުގައިވެސް ކަރަންޓަށް ޑިސްކައުންޓްދޭނީ ރޯދަމަހުގެ 1 އިން ފެށިގެން ތައްޔާރުކުރާ ބިލަށް ކަމުގައި ސްޓެލްކޯއިން ހާމަކުރައްވައިފިއެވެ.

މިގޮތުން ރޯދަމަހަށް ތައްޔާރު ކުރާ ބިލްގައި ކޮންމެ ގޭބިސީއަކަށްވެސް މަދުވެގެން %10 ޑިސްކައުންޓް ލިބޭނެ ކަމުގައި ސްޓެލްކޯއިން ހާމަކުރައްވާފައިވެއެވެ. އެހެންވެ ގުރޭޓާ މާލެ ސަރަހައްދުގައި އެއްދުވަހެއްގައި ހުރިހާ ތަނަކުން ރީޑިން ނެގުމުގެ މަސައްކަތް މިއަދު ފަށާަފައިވާ ކަމުގައި، ސްޓެލްކޯއިން ވަނީ ވިދާޅުވެފައެވެ. 

އެކުންފުނިން ވިދާޅުވީ، މި އަހަރުގެ ރަމަޟާން މަހުގެ ކަރަންޓާއި ފެންބިލުންޑިސްކައުންޓް ދޭން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމެވުމާއި ގުޅިގެން، ރަމަޟާން މަހުގެ ޑިސްކައުންޓް ހިމެނޭ ކަރަންޓު ބިލަށް ފުރަތަމަ ރީޑިންގނެގުމުގެ ޙަރަކާތް މިއަދު ފަށާފައިވާ ކަމަށެވެ. އެހަރަކާތް ފައްޓަވައިދެއްވީ ސްޓެލްކޯގެ މެނޭޖިންގ ޑައިރެކްޓަރ ޙުސައިން ފަޙްމީއެވެ.

ސްޓެލްކޯއިން ވިދާޅުވީ، ގްރޭޓަރ މާލެ ސަރަޙައްދުގައި ރީޑިންގނެގުމުގެ މަސައްކަތުގައި ސްޓެލްކޯގެ އެކި މަޤާމުތައް އަދާކުރާ 350 އަށްވުރެ ގިނަ މުވައްޒަފުން ބައިވެރިވާ ކަމަށާއި އަމާޒަކީ މިއަދު ހުރިހާ ގޭބިސީތަކެއްގެ ކަރަންޓް މީޓަރުތަކުގެ ރީޑިން ނަގައި ނިންމުން ކަމަށެވެ.