ކުރިޔަށް އޮތް ތަނުގައި އިންތިޚާބެއްވެސް ނުބޭއްވުމަށް ރައީސުލްޖުމްހޫރިއްޔާ ޑރ. މުޙައްމަފު މުޢިއްޒު މަސައްކަތް ކުރައްވައިފާނޭ ކަމުގުގައި އެމްޑީޕީގެ ޗެއާޕާސަން ފައްޔާޒު އިސްމާޢީލް ވިދާޅުވެއްޖެއެވެ،

ފައްޔާޒު މިހެން ވިދާޅުވީ، އެމްޑީޕީން އެޕާޓީގެ ހަރުގޭގައި މިރޭ ބޭއްވި ޖަލްސާގައި ވާހަކަފުޅު ދައްކަވަމުންނެވެ.

ފައްޔާޒު ވިދާޅުވީ،  މަކަރުވެރި އެތައް ގޮތަކުން އައިސް ޑރ. މުއިއްޒުގެ ވިސްނުން ހުރީ ހުދުމުހުތާރު ވެރިކަމެއް ކޮށް، ކުރިއަށް އޮތް ތަނުގައި ރާއްޖޭގައި އިންތިހާބެއް ވެސް ބޭއްވިޔަ ނުދޭން ކަަމަށެވެ. އަދި ޞައްޙަ ވޯޓެއްލާން ފުރުޞަތު ލިބިއްޖެނަމަ ރައްޔިތުން ޑރ. މުޢިއްޒަށް ވޯޓު ނުދެއްވާނެކަން އެމަނިކުފާނަށް އެނގިވަޑައިގަންނަވާކަމުގައިވެސް ފައްޔާޒު ވިދާޅުވިއެވެ.

ފައްޔާޒު ވިދާޅުވީ ދެން އޮތީ އިހްތިޖާޖުކޮށްގެން މިވެރިކަން ނިންމަން ކުރަންޖެހޭ މަސައްކަތް ކުރުން ކަމަށެވެ. އަދި އެކަމުގައި އެންމެ ފަހުމީހަކަށްވެސް ތިބޭނީ އެމްޑީީޕީގެ މެމްބަރުން ކަމުގައި ފައްޔާޒު ވިދާޅުވިއެވެ.

މިރޭ ބޭއްވި ޖަލްސާ ނިންމި ފަހުން އެމްޑީޕީގެ ބައެއް މެމްބަރުން ވަނީ، އިހްތިޖާޖު ކުުރުމަށް މާލޭގެ މަގުތައް މައްޗަށްވެސް ނުކުމެފައެވެ.