ކުރީގެ ހައުސިން މިނިސްޓަރ އަދި މިހާރުގެ ހަޔަރ އެޑިޔުކޭޝަން މިނިސްޓަރ ޑ. ޢަލީ ހައިދަރުގެ ދެމަފިރިކަނބަލުންނަށް، ގެދޮރުވެރިޔާ ސްކީމުގެ ތެރެއިން ފްލެޓް ދިނީ ކުރީ ސަރުކާރުން ކަމުގައި ހައިދަަރަށް ފަހު މިސަރުކާރުގެ ހައުސިންގ މިނިސްޓަރުގެ މަޤާމަށް ހަމަޖެއްސެވި ޑރ. ޢަބްދުﷲ މުއްޠަލިބު ވިދާޅުވެއްޖެއެވެ.

މިނިސްޓަރ ޑރ މުއްޠަލިބު މިހެން ވިދާޅުވީ، ޑރ. ހައިދަރުގެ ދެމަފިރި ކަނބަލުންނަށް ފްލެޓް ދިނުމާއި ގުޅިގެން އަމާޒުވި ފާޑުކިޔުންތަކަށް ރައްދުދެއްވައި ކުރެއްވި ޓްވީޓެއްގައެވެ.

މިނިސްޓަރ ޑރ. މުއްޠަލިބު ވިދާޅުވީ، މިނިސްޓަރ ޑރ. ޢަލީ ހައިދަރު އަހްމަދުގެ ދެ ކަނބަލުން ޖޮއިންޓް އެޕްލިކޭޝަނެއްގެ ގޮތުގައި ގެދޮރުވެރިޔާ ސްކީމަށް ހުށަހެޅި ފޯމަށް ކުރީގެ ސަރުކާރުން ޕޮއިންޓް ދިނުމަށްފަހު 15 ނޮވެންބަރު 2023 ގައި ނެރުނު ލިސްޓުގައި 75 ޕޮއިންޓް ލިބިގެން ފްލެޓްލިބޭ މީހުންގެ ލިސްޓްގައިވެސް ހިމެނިފައިވާ ކަމަށެވެ.

އަދި އޭރު އެކުލަވާލާފައިވާ އުސޫލުގެ ދަށުން މާލެއަށް އުފަން މާލޭގެ ރަޖިސްޓްރީގައިވާ ފަރާތްތަކުގެ ޝަރުޠު ހަމަވާއިރު، އޭސީސީގެ އެންގުމަށް މިސަރުކާރުން ފޯމުތައް އަލުން ވެރިފައިކުރިއިރު، ވެރިފިކޭޝަންގެ ތެރެއިން ޝަރުޠު ހަމަނުވާ ނުވަތަ ޕޮއިންޓަށް ބަދަލު އަންނަ ފަދަ ކަމެއް ފާހަގަވެފައެއް ކަމުގައިވެސް މިނިސްޓަރ ޑރ. މުއްޠަލިބު ވިދާޅުވިއެވެ. އެހެންކަމުން ކުރީގެ ސަރުކާރުން ނެރުނު ލިސްޓުގައި ލިބިފައިވާ ޕޮއިންޓަށް ބަދަލެއް ނައިސް މިއަދު ނެރުނު ލިސްޓުގައިވެސް ޑރ. ހައިދަރުގެ ދެމަފިރިކަނބަލުންގެ ނަންފުޅު ހިމެނިފައި އޮތީ ކަމުގައި ހައުސިންގ މިނިސްޓަރ ޑރ. ޢަބްދުﷲ މުއްޠަލިބު ވިދާޅުވިއެވެ.

ފާޑު ކިޔުންތައް އަމާޒުވުމުން މިނިސްޓަރ ހައިދަރު މިހާރު ވަނީ ފްލެޓް ދޫކޮށްލެއްވިކަން އިޢުލާނުކުރައްވާފައެވެ.