ހޯމް މިނިސްޓަރ ޢަލީ އިޙްސާނާއި ދެކޮޅަށް އިދިކޮޅު ޕާޓީ އެމްޑީޕީން ހުށައެޅީ އިތުބާރު ނެތްކަމުގެ މައްސަލަ، ޕީއެންސީއިން ނާކާމިޔާބު ކޮށްލައި، އިޙްސާނަށް ރައްޔިތުންގެ މަޖިލީހުގެ އިތުބާރު އޮތްކަން ހާމަކޮށްދެެއްވައިފިއެވެ.

މިނިސްޓަރ އިހުސާންގެ އިތުބާރު ނެތް ކަމުގެ މައްސަލާގައި މިއަދު ނެގި ވޯޓުގައި، އިޙްސާނަށް އިތުބާރު ނެތްކަމަށް ވޯޓު ދެއްވީ އިދިކޮޅު 11 މެންބަރުންނެވެ. އިޙްސާނަށް އިތުބާރު އޮތްކަމަށް، ސުޕަރ މެޖޯރިޓީ އޮތް ޕީއެންސީގެ މެމްބަރުންގެ ތެރެއިން 64 މެމްބަރުން ވޯޓު ދެއްވިއެވެ. ރައްޔިތުންގެ މަޖިލީހުގައި ޕީއެންސީގެ 76 މެމްބަރުން ތިއްބަވައެވެ.

ރައްޔިތުންގެ މަޖިލީހުގައި ޖުމުލަ 96 މެމްބަރުން ތިއްބަވާއިރު، މިހާރު މަޖިލީހުގައި ވަޒީރެއްގެ އިތުބާރުނެތްކަމަށް ފާސްކޮށް މަޤާމުން ވަކިކުރެވޭނީ ޖުމުލަ 47 މެމްބަރުންގެ ވޯޓާއި އެކުގައެވެ. އިދިކޮޅު އެމްޑީޕީގައި ތިއްބެވީ ޖުމުަލަ 12 މަޖިލިސް މެމްބަރުންނެވެ. އެހެންވެ ރައްޔިތުންގެ މަޖިލީހުގައި އެއްވެސް ކަމެއް އިދިކޮޅު ޕާޓީން ބޭނުންވާ ގޮތަށް ނިންމޭނެ އަޣުލަބިއްޔަތެއް އެމްޑީޕީއަކަށް ނެތެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ހޯމް މިނިސްޓަރ ޢަލީ އިޙްސާން ވަނީ، އެމަނިކުފާނުގެ މައްޗަށް އިދިކޮޅު ފަރާތްތަކުން ކޮށްފައިވާ ތުހުމަތުތަކަށް ޖަވާބު ދެއްވާފައެވެ.