ރައްޔިތުންގެ މަޖިލީހުގެ މިއަދުގެ ޖަލްސާ ނުބާއްވާ ގޮތަށް ރައްޔިތުންގެ މަޖިލީހުން ނިންމާފައިވާ ކަމުގައި މަޖިލީހުގެ އިދާރާއިން ވިދާޅުވެއްޖެއެވެ.

ހަފްތާގެ ބުދަ ދުވަހަކީ އާއްމުކޮށް ރައްޔިތުންގެ މަޖިލީހުގެ ޖަލްސާ އޮންނަ ދުވަހެކެވެ. އެހެން ނަމަވެސް މަޖިލީހުގެ މިއަދުގެ ޖަލްސާ ނުބޭއްވުމަށް ނިންމާފައި ވަނީ ކީއްވެގެން ކަމެއް މަޖިލީހުގެ އިދާރާއިން ހާމަކުރައްވާފައެއް ނުވެއެވެ.

އިއްޔެ ބޭއްވި ރައްޔިތުންގެ މަޖިލީހުގެ 2025 ވަނަ އަހަރުގެ ފުރަތަމަ ދައުރުގެ 6 ވަނަ ޖަލްސާ ނިންމަވާލައްވަމުން މިއަދު މަޖިލީހުގެ ޖަލްސާ އޮންނާނެ ކަމުގައި މަޖިލީހުގެ ރައީސް ޢަބްދުއްރަޙީމް ޢިއުލާނު ކުރެއްވިއެވެ.

ރައްޔިތުންގެ މަޖިލީހުގެ ޖަލްސާއެއް ދެން އޮންނާނީ، މިފެބުރުއަރީ މަހުގެ 24ވާ ހޯމަ ދުވަހުގައި ކަމުގައި ރައްޔިތުންގެ މަޖިލީހުގެ އިދާރާއިން ވަނީ ހާމަކުރައްވާފައެވެ.