މާލޭ ސަރަހައްދުގެ ގޭގޭގައި ހުރި ނައްތާލަން ބޭނުންވާ ބާ މުޞްޙަފުތަކާއި ޤުރުއާނުގެ އާޔަތް ނުވަތަ ޙަދީޘް ހިމެނޭ އެފަދަ ދީނީ ފޮތްތަކާއި ލިޔުންތައް މާލޭ ސިޓީ ކައުންސިލަށް ބަލައިގަންނަން ފަށައިފިއެވެ.

ސިޓީ ކައުންސިލުން ހާމަކުރައްވާފައިވާ ގޮތުގައި، ގޭގެއިން ގެންނަ އެފަދަ ތަކެތި އެ އިދާރާއަށް ބަލައިގަތުމުގެ އިންތިޒާމް، 16 ފެބުރުވަރީ 2025 ން 28 ފެބުރުވަރީ 2025 ގެ ނިޔަލަށް ކޮންމެ ދުވަހެއްގެ ހެނދުނު 9:00 ން މެންދުރުފަހު 14:00 އަށް އެ އިދާރާގެ ވޭސްޓް ސެކްޝަންގައި ވަނީ ހަމަޖައްސާފައެވެ.

މާލޭ ސަރަޙައްދުގެ ގޭގޭގައި ހުރި ނައްތާލަން ބޭނުންވާ ބާ މުޞްޙަފުތަކާއި ޤުރުއާނުގެ އާޔަތް ނުވަތަ ޙަދީޘް ހިމެނޭ އެފަދަ ދީނީ ފޮތްތަކާއި ލިޔުންތައް ސިޓީ ކައުންސިލާއި ހަވާލުކުރުމަށް އަހަރަކު ދެފަހަރު ފުރުޞަތު ހުޅުވާލުމަށް ސިޓީ ކައުންސިލުން ވަނީ ނިންމާފައެވެ.

މިދިޔަ އަހަރުވެސް ސިޓީ ކައުންސިލުން ވަނީ މާލޭގެ ގޭބިސީ ތަކުގައި ހުރި މިފަދަ ހަތިމްތަކާއި ލިޔެކިޔުންތަކާއި ހަވާލުވެ ނައްތާލައިދީފައެެވެ.