Advertisement
ރައީސުލްޖުމްހޫރިއްޔާ ރިޔާސީ ބަޔާން ހުށައަޅުއްވަނީ ---
ރޯދަމަހަށް މަޖިލިސް ބަންދުކޮށް ރިޔާސީ ބަޔާން އިއްވުން ޖެނުއަރީއަށް!
ރައްޔިތުންގެ މަޖިލީހުގެ ދައުރުތައް މިހާރު ކަނޑައަޅާފައިވާ ގޮތަށް ބަދަލުތައް ގެނައުމަށް މަޖިލީހުގެ ޤަވާއިދަށް އިސްލާޙް ހުށައަޅައިފިއެވެ.
ރައްޔިތުންގެ މަޖިލީހުގެ ޤަވާއިދަށް އިސްލާޙް ހުށައަޅުއްވާފައި ވަނީ، މާފަންނު ދެކުނު ދާއިރާގެ މެންބަރުން އަބްދުﷲ ރިފާއު އެވެ.
އޭނާ ހުށައެޅުއްވި އިސްލާޙްގައި މަޖިލީހުގެ ފުރަތަމަ ދައުރު ކުރުކޮށްލައި މަޖިލީހުގެ ދައުރުތަކުގެ ގޮތުގައި މިހާރު ކަނޑައަޅާފައިވާ ތާރީޚްތަކަށް ބަދަލު ގެނައުމަށްވެސް ވަނީ ހުށައަޅުއްވާފައެވެ. މިގޮތުން ރައްޔިތުންގެ މަޖިލީހުގެ ފުރަތަމަ ދައުރަކީ، ޖެނުއަރީމަސް އެކަނި ކަމުގައިކަނޑައެޅުމުން ރިޔާސީ ބަޔާން އިއްވުންވެސް ޖެނުއަރީމަހަށް ބަދަލުވެގެންދާނެއެވެ.
މިހާރު އޮތް ގޮތުން ރައްޔިތުންގެ މަޖިލިސް ހުޅުވަނީ، ކޮންމެ އަހަރެއްގެ ވެސް ފެބުރުއަރީ މަހުގެ ފުރަތަމަ ހަފްތާގައެވެ. އަދި ރިޔާސީ ބަޔާން ހުށައަޅަން ޖެހެނީ ޤާނޫނު އަސާސީގައި ބަޔާންކޮށްފައިވާ ގޮތުން ކޮންމެ އަހަރަކަށްވެސް ރައްޔިތުންގެ މަޖިލިސް ހުޅުވުމުގެ ގޮތުން ބާއްވާ ފުރަތަމަ ޖަލްސާގައެވެ.
ރޯދަމަހު ރައްޔިތުންގެ މަޖިލިސް ޗުއްޓީއަށް ދިޔުމަށް ރިފާއު ހުށައަޅުއްވާފައި ވާއިރު، މިއަހަރު ރޯދަމަސް ދިމާވަނީ، ސްކޫލުތަކުގެ ބޮޑު ޗުއްޓީ އާއެވެ. މިއަހަރުގެ ރޯދަމަސް ފެށޭނީ ކަލަންޑަރުގައި ވާގޮތުން މިފެށޭ މާރިޗު މަހުގެ 1 ވަނަ ދުވަހުގައެވެ.
