މިއަހަރަށް ރައްޔިތުންގެ މަޖިލިސް ހުޅުވުމާއި، އަދި ރައީސުލްޖުމްހޫރިއްޔާ ރިޔާސީ ބަޔާން އިއްވެވުމަށް ބާއްވާ ޖަލްސާއާ ދިމާކޮށް ރައްޔިތުންގެ މަޖިލިސް ކުރާ ގޭދޮަށަށް އާއްމުން އެއްވުމަށް އިދިކޮޅުޕާޓީ އެމްޑީޕީން ގޮވާލައިފިއެވެ.

މާދަމާ ހެނދުނު 8:00އަށް މަޖިލިސް ކުރާ ގޭދޮށަށް އާއްމުން ނުކުތުމަށް ގޮވާލައި އެމްޑީޕީން ގެންދަނީ، އާއްމުންނަށް އެސްއެމްއެސްވެސް ފޮނުވަމުންނެވެ. އަދި މަޖިލިސް ކުރާ ގޭދޮށަށް އާއްމުން ނުކުތުމަށް ހިއްވަރު ދިނުމުގެ ގޮތުން މިއަދާއި މިރޭވެސް އެމްޑީޕީން ވަނީ، ހަރަކާތްތައް ކުރިޔަށް ގެންގޮސްފައެވެ.

ރައްޔިތުންގެ މަޖިލިސް މިއަހަރަށް ހުޅުވުމަށް ބާއްވާ ޖަލްސާ އޮންނާނީ، މާދަމާ ހެނދުނު 9:00ގައި ރައްޔިތުންގެ މަޖިލިސް ކުރާ ގޭގައެވެ. މިޖަލްސާގައި ރައީސުްޖުމްހޫރިއްޔާ ރިޔާސީ ބަޔާން އިއްވަވާނެއެވެ.

އިދިކޮޅު ޕާޓީ އެމްޑީޕީން އާއްމުންނަށް ގޮވާލާފައި ވަނީ ރިޔާސީ ބަޔާން އަޑުއެހުމަށް ރައްޔިތުންގެ މަޖިލިސް ކުރާ ގޭދޮަށަށް އެއްވުމަށެވެ.