މިމަހުގެ ފުރަތަމަ ދުވަހު ހައިވޭގައި ހިނގި އެކްސިޑެންޓްގައި ބިދޭސީ މީހާ މަރުވީ އެމީހާ ވެއްޓުނު ވަގުތު ފަހަތުން އައި ސައިކަލު އެމީހާގެ ބޮލަށް އެރުމުގެ ސަބަބުން ލިބުނު ޒަޚަމްތަކުގެ ސަބަބުން ކަން ހާމަވެއްޖެއެވެ.

އެ އެކްސިޑެންޓް ހިނގި ވަގުތުގެ މަންޒަރު ފެންނަ ސީސީޓީވީ ފުޓޭޖްގެ ސްކްރީން ރެކޯޑިންގއެއް މިހާރު ސޯޝަލް މީޑިއާގައި ދަނީ ދައުރުވަމުންނެވެ. އެވީޑިއޯއިން ފެންނަ ގޮތުގައި ސޯލާޕެނަލްތައް ކައިރިން ހައިވޭގެ އިރުމަތީ ލޭންގައި ބަހައްޓާފައި ހުރި ކޯންގައި ޖެހި ބިދޭސީ މީހާ ސައިކަލާއި އެކު ވެއްޓުނު ވަގުތު ފަހަތުން އައި ސައިކަލު ދިޔައީ އެމީހާގެ ބޯމަތިންނެވެ. ވީޑިއޯއިން ފެންނަ ގޮތުގައި ބިދޭސީ މީހާ ވެއްޓުމާއި ފަހަތުން އައި ސައިކަލު އެމީހާގެ ބޯމަތިން ދިޔުމާއި ދެމެދު ހޭދަވީ އެންމެ ދެ ސިކުންތެވެ. އަދި ފަހަތުން އައި ސައިކަލުވެސް އައީ ވަރަށް ބާރަށް ދުއްވާފައިކަން ވީޑިއޯއިން ހާމަވެއެވެ.

ވީޑިއޯއިން ފެންނަ ގޮތުގައި ބިދޭސީ މީހާ ބޮަލަށް އަރާފައި ދިޔަ ސައިކަލު ދުއްވަން އިނީ އަންހެނެކެވެ.