Advertisement
ކުރީގެ ޓުއަރިޒަމް މިނިސްޓަރ އިބްރާހީމް ފައިސަލް --
ފައިސަލް ޓޫރިޒަމް މިނިސްޓަރުގެ މަޤާމުން ވަކިކުރައްވައިފި
މިނިސްޓަރ އޮފް ޓޫރިޒަމްގެ މަޤާމުގައި ހުންނެވި އިބްރާހީމް ފައިސަލް އެމަޤާމުން ވަކި ކުރައްވައިފިއެވެ.
ރައީސުލްޖުމްހޫރިއްޔާގެ އޮފީހުން ވިދާޅުވީ، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، މިނިސްޓަރ އޮފް ޓޫރިޒަމްގެ މަގާމުގައި ހުންނެވި އިބްރާހީމް ފައިޞަލް، އެ މަގާމުން ވަކިކުރައްވާފައިވާ ކަމަށާއި، މިނިސްޓްރީ އޮފް ޓޫރިޒަމް ވަގުތީގޮތުން ހިންގެވުން މިއަދުން ފެށިގެން މިނިސްޓަރ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް މުޙައްމަދު ސަޢީދުއާ ހަވާލުކުރައްވާފައިވާ ކަމަށެވެ.
ފައިސަލް މަޤާމުން ވަކިކުރެއްވީ ކޮން ސަބަބަކާއި ގުޅިގެން ކަމެއް ރައީސުލްޖުމްހޫރިއްޔާގެ އޮފީހުންވެސް އަދި، ވެރިކަން ކުރާ ޕާޓީ ޕީއެންސީ އިންވެސް މިހާތަނަށް ހާމަކުރައްވާފައެއް ނުވެއެވެ.
