Advertisement
މަޖިލީހުގެ ރައީސް ޢަބްދުއްރަހީމް ފްލައިޓުން ފައިބާ ވަޑައިގަންނަވަނީ ---
މަޖިލީހުގެ ރައީސް ޢަބުދުއްރަހީމް މާލެ ވަޑައިގެންފި
ރައްޔިތުންގެ މަޖިލީހުގެ ރައީސް ޢަބްދުއްރަހީމް މިރޭ މާލެ ވަޑައިގެންފިއެވެ.
މަޖިލީހުގެ ރައީސް މާލެ ވަޑައިގަންނަވާތީ އެމަނިކުފާނާއި ބައްދަލު ކުރެއްވުމަށް ނޫސްވެރިންގެ އެއާޕޯޓަށް ދިޔަ ނަމަވެސް ނޫސްވެރިންނާއި ބައްދަލު ނުކުރައްވައި، ސީދާ ފުލައިޓުން ފައިބައިވަޑައިގެންނެވި ގޮތަށް ކާރުކޮޅުގައި އެމަނިކުފާނު ވަޑައިގެންނެވީ މުރައިދޫގެއަށެވެ.
ހައި ސެކިއުރިޓީގައި މަޖިލީހުގެ ރައީސް އަބްދުއްރަހީމް މަޖިލީހުގެ ރައީސަށް ޚާއްޞަ ގެކޮޅު މުރައިދޫގެއަށް ވަޑައިގެންނެވީ، 23:17 ހާއިރުގައެވެ.
މަޖިލީހުގެ ރައީސް މީޑިއާއާ ބައްދަލުނުކުރެއްވީ ކޮން ސަބަބަކާއި ހުރެ ކަމެއް ހާމަކުރައްވާފައެއް ނުވެއެވެ.
ރައްޔިތުންގެ މަޖިލީހުގެ ރައީސް ޢަބުދުއްރަޙީމް ޢަބްދުﷲ އާއި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ގުޅުން ގޯސްވެފައިވާކަމަށް ޢަބްދުއްރަހީމް ވިދާޅުވެފައި ވާއިރު، ޓޫރިޒަމް މިނިސްޓަރުގެ މަޤާމުގައި ހުންނެވި ޢަބްދުއްރަހީމްގެ ދަރިކަލުން އަންގާރަ ދުވަހު ވަނީ މަޤާމުން ވަކިކުރައްވާފައެވެ.
