ލިއޯ ޓްރޭޑިންގެ މެނޭޖިން ޑިރެކްޓަރު އަބްދުﷲ ސަވާދުގެ ފަރާތުން ގއ. ނިލަންދޫ އާއި ދެއްވަދޫ ރައްޔިތުންށް ހަދިޔާކުރާ ރޯދަ ހަދިޔާ ހިފައިގެން ދަތުރު ދޯނި ފަރަށް އަރައި ދޯންޏަށާއި މުދަލަށް ގެއްލުންތައް ލިބިއްޖެއެވެ.

ނިލަންދޫ ކައުންސިލުން ވިދާޅުވީ، ފަރަށް އެރި ދޯނީގައި ދެރަށުގެ ރައްޔިތުންނަށް ހަދިޔާގެ ގޮތުގައި ފޮނުވި، 1070 ބަސްތާގެ ކާޑު ހުރި ކަމަށެވެ. ދޯނި ފަރަށް އެރުމާއި ގުޅިގެން ކާޑު ބަސްތާތަކަށް ލޮނުއެޅި ވަނީ ހަލާކުވެފައެވެ. ލިއޯ ކުންފުނީގެ ދޯންޏެއް ކަމަށްވާ 'ލިއޯ ވިންގް' އުރިފައި ވަނީ، ގއ. އެކެފަރު ނަމަކަށް ކިޔާ ފަރަކަށެވެ.

ލިއޯ ޓްރޭޑިންގެ މެނޭޖިން ޑިރެކްޓަރު އަބްދުﷲ ސަވާދުގެ ފަރާތުން ކޮންމެ އަހަރެއްގެ ރޯދަމަހުވެސް ކާބޯތަކެތީގެ އެހީ އަންނަނީ ފޯރުކޮށް ދެމުންނެވެ.