Advertisement
ފުލުހުންގެ އިދާރާ --
ނުކުޅެދޭ ކުއްޖަކަށް ޓީޗަރަކު އަނިޔާކުރި މައްސަލައެއް ބަލަންފަށައިފި
ނުކުޅެދުންތެރިކަން ހުންނަ ކުއްޖަކަށް ޓީޗަރަކު އަނިޔާކުރި މައްސަލައެއް ބަލަންފަށާފައިވާކަމުގައި ފުލުުހުންގެ އިދާރާއިން ވިދާޅުވެއްޖެއެވެ.
ފުލުހުންގެ އިދާރާއިން ވިދާޅުވީ، މާލޭގެ ސްކޫލެއްގެ ޓީޗަރަކު އެސްކޫލެ ހާއްސައެހީއަށް ބޭނުންވާ ދަރިވަރަކަށް އަނިޔާކުރި މައްސަލައެއް ރިޕޯޓްކޮށްފައިވާ ކަމަށެވެ. އެހެންނަަމަވެސް އެކަން ހިނގާފައި ވަނީ ކޮން ސްކޫލެއްގައިކަމެއް އަދި އެޓީޗަރަކީ ދިވެހި ޓީޗަރެއްކަމެއް ނުވަތަ ބިދޭސީ ޓީޗަރެއް ކަމެއް ފުލުހުންގެ އިދާރާއިން ހާމަކުރައްވާފައެއް ނުވެއެވެ.
ރާއްޖޭގެ ސްކޫލުތަކުގައި ޓީޗަރުން ދަރިވަރުންނަށް އެކި ބާވަތުގެ އަނިޔާކުރާ މައްސަލަތައް އަބަދުވެސް ފެންމަތިވެއެވެ. އަދި އެފަދަ މައްސަލަތަކާއި ގުޅިގެން މިނިސްޓްރީ އޮފް އެޑިޔުކޭޝަނުން ހަރުކަށި ފިޔަވަޅުތައް އަޅުއްވަމުން ގެންދަވައެވެ.
