Advertisement
ރައްޔިތުންގެ މަޖިލިސް ---
ޒާހިދާއި ޞަލާހަށް މަޖިލީހުން ރުހުންދީފި
އިލެކްޝަންސް ކޮމިޝަނުގެ ހުސްވެފައިވާ މެންބަރުކަމުގެ ދެ މަގާމަށް ދެބޭފުޅަކު ޢައްޔަނުކުރުމަށް ރައްޔިތުންގެ މަޖިލީހުން ރުހުންދީފިއެވެ.
މިއަދު އޮތް ރައްޔިތުންގެ މަޖިލީހުގެ ޖަލްސާގައި ނެގި ވޯޓުގައި، އިލެކްޝަންސް ކޮމިޝަންގެ މެމްބަރު ކަމުގެ މަޤާމަށް ޢައްޔަނުކުރުމަށް މަޖިލީހުން ރުހުން ދެއްވާފައި ވަނީ، ދަފްތަރު ނަންބަރު ރސ. 1548މ މުހައްމަދު ޒާހިދާއި، ކ. ހުރާ ރޯޒް، އަބްދުއްރަހުމާން ސޮލާހު ރަޝީދަށެވެ.
މިދެބޭފުޅުންނަށް ރުހުނދޭން ފެނޭތޯ ބެލުމަށް މަޖިލީހުގައި މިއަދު ނެގި ވޯޓުގައި، 68 ވޯޓާއި އެކު ދެބޭފުޅުންނަށްވެސް ރުހުންދޭން ފެންނަކަމަށް ފާސްކޮށްފައި ވަނީ، ވޯޓުގައި ބައިވެރިވެވަޑައިގެންނެވި މެމްބަރުންގެ އިއްތިފާޤުންނެވެ.
އިލެކްޝަންސް ކޮމިޝަނުގެ ދެ މެންބަރެއްގެ ގޮނޑި ހުސްވީ އެ ކޮމިޝަނުގެ ނައިބު ރައީސްކަމުގައި ހުންނެވި އަލީ ނަޝާތު އާއި އެ ކޮމިޝަނުގެ މެންބަރު، މުހައްމަދު އާސިފްގެ ވަކިކުރުމަށް ރައްޔިތުންގެ މަޖިލީހަށް ހުށައަޅައި ފާސްކޮށްގެންނެވެ.
