މާލޭގެ ގެސްޓްހައުސްއެއްގެ ތެރޭގައި މަރުވެފައި އޮތް މީހަކު ފެނިއްޖެއެވެ. 

ފުލުހުންގެ އިދާރާއިން ވިދާޅުވީ، ހެންވޭރުގައި ހުރި ގެސްޓްހައުސްއެއްގެ ކޮޓަރިއެއްގެ ތެރޭގައި މީހަކު ވެއްޓިފައި އޮތް ކަމުގެ މައުލޫމާތު ފުލުހުންނަށް ލިބިފައި ވަނީ މިއަދު މެންދުރުފަހު، 14:04 ހާއިރުގައި ކަމަށެވެ. އަދި އެމީހާ ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް ޑޮކްޓަރުންނާއި ހަވާލާދީ ފުލުހުންގެ އިދާރާއިން ވިދާޅުވެފައިވެއެވެ.

އާއްމުވެފައިވާ ވީޑިއޯއިން ފެންނަ ގޮތުގައި ފުލުހުން އެމީހާގެ ހަށިގަނޑު ގެސްޓްހައުސްއިން ނެރެފައި ވަނީވެސް ހަށިގަނޑު ބޮޑީބޭގަަކަށް ލައިގެންނެވެ. އޭނާފެނުނީ މަރުވެފައި އޮންނަތާ ކިހާ ވަގުތެއް ފަހުން ކަމެއް އެނގިފައެއް ނުވެއެވެ.

ފުލުހުންގެ އިދާރާއިން ވިދާޅުވީ، މަރުވެފައި އޮއްވައި ފެނުނު މީހަކީ، އައްޑޫ ސިޓީ ހުޅުދޫ، ބޮކަރުމާގޭ އުމުރުން 59 އަހަރުގެ، ޢަބުދުﷲ ޒަކީ ކަމަށެވެ. 

އޭނާގެ މަރުގެ މައްސަލަ ފުލުހުން ގެންދަނީ ތަޙްޤީޤު ކުރަމުންނެވެ.