ރާއްޖޭގެ އިޤުތިޞާދު މިހާރުވަނީ ކޯވިޑް-19ގެ ކުރީގެ ޙާލަތަށް ރުޖޫއަވެފައި ކަމުގައި އެމްއެމްއޭގެ ގަވަރުނަރު އަލީ ޙާޝިމް ވިދާޅިުވެއްޖެއެވެ.

ގަވަރުވަރު މިހެން ވިދާޅުވެފައި ވަނީ، އެމްއެމްއޭގެ އަހަރީ ރިޕޯޓްގައި އެމަނިކުފާނު ލިޔުއްވާފައިވާ ބަޔާނުގައެވެ. 

ގަވަރުނަރު އަލީ ޝިހާމް ފާހަގަކުރައްވާފައިވާ ގޮތުގައި ރާއްޖޭގެ އިޤުތިޞާދު މިދިޔަ އަހަރު ވަނީ، 13.9 އިންސައްތަ ކުރިއަރާފައެވެ. ގަވަރު ނަރު ވިދާޅުވެފައިވާ ގޮތުގައި ރާއްޖޭގެ އިޤުތިޞާދު ޢިއާދަވީ އެތެރޭގެ ވިޔަފާރިތައް އިތުރުވެ، ފަތުރުވެރިކަމުގެ ދާއިރާ ކުރިއެރުމާއި އެކުގައެވެ.

އެމްއެމްއޭއިން މީގެ ކުރިން ލަފާކޮށްފައި އޮތީ 2022 ވަނަ އަހަރު ނިމޭއިރު ރާއްޖޭގެ އިޤުތިޞާދު ކުރިއަރާނީ، 12 އިންސައްތަ ކަމަށެވެ. 

ރާއްޖޭގެ އިޤުތިޞާދު ކޯވިޑްގެ ކުރީގެ ހާލަތަށް އިއާދަވި ނަމަވެސް، ރާއްޖޭގެ އިންފްލޭޝަން މަތިވަމުންދާކަން އެމްއެމްއޭއިން ވަނީ ފާހަގަކޮށްފައެވެ. މިގޮތުން މިއަހަރު ރާއްޖޭގެ އިޤުތިޞާދު 7 ޕަސެންޓް ކުރިއަރާނެ ކަމަށް އެމްއެމްއޭއިން ލަފާކޮށްފައި ވާއިރު، އިންފްލޭޝަންެސް 5.4 އިންސައްތަ މައްޗަށް ޖެހޭނެ ކަމުގައި އެމްއެމްއޭއިން ވަނީ ލަފާކޮށްފައެވެ.