މާލެ ސަރަހައްދުގައި މިއަހަރުވެސް ފިޠުރު ޢީދު ނަމާދު ބޮޑު ޖަމާޢަތުގައި ކުރުން މާދަމާ އޮންނާނެ ކަމުގައި މިނިސްޓްރީ އޮފް އިސްލާމިކް އެފެއާޒުން ވިދާޅުވެއްޖެއެވެ.

އެމިނިސްޓްރީން ވިދާޅުވީ، މިއަހަރުވެސް ބޮޑު ޖަމާޢަތުގައި ފިޠުރު ޢީދު ނަމާދުކުރުން، މާލެ އާއި ހުޅުމާލެ އަދި ވިލިމާލޭގައި އޮންނާނެ ކަމަށެވެ. މިގޮތުން މާލޭގައި ޢީދު ނަމާދުގެ ބޮޑު ޖަމާޢަތް އޮންނާނީ، މާފަންނު ސްޓޭޑިއަމްގައެވެ. ހުޅުމާލޭގައި އީދު ނަމާދުގެ ބޮޑު ޖަމާޢަތް އޮންނާނީ، ސިންތެޓިކް ޓްރެކްގައެވެ. އަދި ވިލިމާލޭގައި ބޮޑު ޖަމާޢަތުގައި އީދު ނަމާދު ކުރާނީ، ވިލިމާލެ ފުޓުބޯޅަ ދަނޑުގައެވެ.

ޢީދު ނަމާދު ކުރާނީ، ޢީދު ދުވަހުގެ ހެނދުނު، 7:30 ގައެވެ. މިފަހަރު ފިޠުރުއީދު ދުވަހަކީ، 21 އޭޕްރީލް 2023ވާ ހުކުރު ދުވަހެވެ.