Advertisement

އުމްރާގެ އަޅުކަމަށް ދިޔަ ދިވެހިންތަކެއް. ފޮޓޯ: ސޯސަލް މީޑިއާ

07 Aug 2023
ޚަބަރު

ސައުދީން ރާއްޖެއަށް އޮންއެރައިވަލް ވިސާ ދޭން ފަށައިފި

ކުރިއާލާ ވިސާ ނެގުމާ ނުލާ ދިވެހިންނަށް ސައުދީ އަރަބިއްޔާއަށް ދަތުރުކުރުމަށް އޮންއެރައިވަލް ވިސާ ލިބޭނެ އިންތިޒާމް އެ ޤައުމުގެ ސަރުކާރުން ހަމަޖައްސަވައިދެއްވައިފިއެވެ. އޮންއެރައިވަލް ވިސާ ނުވަތަ ދުރާލާ ވިދާ ނެގުމަކާނުލައި ސަޢުދިޢަރަބިއްޔާއަށް ދަތުރުކުރެވޭނެ އިތުރު 8 ޤައުމެއް، ސަޢުދީ ސަރުކާރުން ވަނީ އިޢުލާނުކޮށްފައެވެ. އޭގެތެރޭގައި ދިވެހިރާއްޖޭގެ އިތުރުން ދެން ހިމެނެނީ، އަލްބޭނިއާ، އަޒަރްބައިޖާން، ޖޯޖިއާ، ކިރިގިސްތާން، ސައުތް އެފްރިކާ، ތަޖިކިސްތާން އަދި އުޒްބަކިސްތާންއެވެ.

މީގެ އިތުރުން ސައުދީ އަރަބިއްޔާއަށް ދިއުމަށް އީ-ވިސާ ވެސް މިހާރު ދޫކުރަން ނިންމާފައިވާކަމަށްވަނީ އެ ގައުމުގެ ސަރުކާރުން އާންމުކޮށްފައެވެ. އެގޮތުން އީ-ވިސާ އަށް އެދި ހުށަހަޅަންޖެހެނީ ވިޒިޓް ސައުދީ ވެބްސައިޓް މެދުވެރިކޮށެވެ.

އޮން އެރައިވަލް ވިސާ އަދި އީ-ވިސާ ފަތުރުވެރިކަމުގެ ބޭނުމާއި، އުމްރާގެ އަޅުކަމާއި، ވިޔަފާރީގެ ބޭނުންތަކަށާއި އަދި އާއިލާއާއި ރަހުމަތްތެރިންނަށް ޒިޔާރަތްކުރުމަށް ދޫކުރާނެކަމަށް ސައުދީ ސަރުކާރުން ވަނީ ބުނެފައެވެ. އެހެންކަމުން މިހާރު ވަޒީފާގެ ބޭނުމާއި، ތަޢުލީމަށް ދަތުރުކުރުން ފިޔަވާ އެހެން ބޭނުންތަކުގައި އޮން އެރައިވަލް ވިސާ ސައުދީއަށް ދަތުރުކުރާ ދިވެހިންނަށް ލިބިގެންދާނެއެވެ.

މި ވިސާގެ މުއްދަތަކީ ވިސާ ދޫކުރާ ދުވަހުން ފެށިގެން އެއް އަހަރު ދުވަހެވެ. އަދި މި ވިސާގެ މުއްދަތުގައި ގިނަވެގެން 90 ދުވަހު އެ ގައުމުގައި ހޭދަކުރެވޭއިރު, ބޭނުން ވަރަކަށް ގައުމުން އެތެރެވެ ބޭރުވެ ހެދޭނެއެވެ.

އުމްރާގެ އަޅުކަން އަދާކުރުމަށް އަހަރުގެ އެކި ދުވަސްވަރުގައި ދިވެހިން ސައުދީއަށް ދަތުރުކުރަމުން އަންނައިރު މީގެ ސަބަބުން އެ ފަރާތްތަކަށް ބޮޑު ލުއިފަސޭހައެއް ލިބިގެންދާނެއެވެ. ސަޢުދީއިން ވަނީ، މިކަމުގައި އާއްމުން ސަމާލްކަންދޭންޖެހޭ އިތުރު ކަންކަން ފާހަގަކުރައްވާފައެވެ. އެގޮތުން އޮން އެރައިވަލް ވިސާގައި އެތެރެވާ މީހުން، ވިސާގެ މުއްދަތަށް ޚާއްސަ ސަމާލުކަމެއް ދިނުމަށް ވަނީ އެދިފައެވެ. އަދި އޮންއެރައިވަލް ވިޒާގައި އެ ޤައުމަށް އެތެރެވާ މީހުން، އާމްދަނީއަށް ވަޒީފާ އަދާކުރުމަކީ މަނާކަމެއްކަންވެސް ސަޢުދީ ސަރުކާރުން ވަނީ ހަނދާންކޮށްދީފައެވެ. ސަޢުދީ ސަރުކާރުން ބުނީ، ޙައްޖުގެ އަޅުކަމަށް ވިސާ ނަގައިގެން ދަތުރުކުރާ މީހުން، ވަކިން ޢުމްރާ އަދާކުރުމުގެ ހުއްދަވެސް ނޯންނާނެކަމަށެވެ. ސަޢުދީގެ މި ނިންމެވުމާއި ގުޅީގެން ފޮރިން މިނިސްޓަރ ޢަބްދުﷲ ޝާހިދު ވަނީ، ސަޢުދީގެ ޚާރިޖީ ވަޒީރު ފައިސަލް ބިން ފަރްހާނަށާއި، ޓޫރިޒަމް މިނިސްޓަރު އަޙްމަދު އަލްޚަތީބަށް ޝުކުރު އަދާކުރައްވާފައެވެ. އަދި މިއީ ދިވެހިރާއްޖެއާއި ސަޢޫދީ ޢަރަބިއްޔާއާ ދެމެދު އޮތް ގާތް ގުޅުން ރަމްޒުކޮށްދޭ އަލިގަދަ ހެއްކެއްކަމަށްވެސް ފޮރިން މިނިސްޓަރ ވިދާޅުވިއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.