ހުޅުމާލެ ފަޅުތެރޭގައި މަރުވެފައި އޮތް މީހަކު ފެނިއްޖެއެވެ.

ފުލުހުންގެ އިދާރާއިން ވިދާޅުވީ ހުޅުމާލޭގައި ހުންނަ އެމްއެންޑީއެފްގެ ފަޔަރ ސްޓޭޝަނާއި ދިލުން މޫދުތެރޭގައި ޚަބަރު ހުސްވެފައި އޮތް މީހަކު ފެނިފައިވާ ކަމަށާއި އޭނާ ހޮސްޕިޓަލަށް ގެންދިޔައިރުވެސް އޮތީ މަރުވެފައި ކަމަށް ހޮސްޕިޓަލުން މައުލޫމާތު ދީފައިވާ ކަމަށެވެ.

މަރުވެފައި އޮއްވައި ފެނުނު އެމީހާއަކީ ކާކުކަމެއް މިހާތަނަށް އަދި ފުލުހުން ހާމައެއް ނުކުރެއެވެ. ފުލުހުންގެ އިދާރާއިން ވިދާޅުވީ ހާދިސާ ތަޙްޤީޤު ކުރަމުން ގެންދާ ކަމަށެވެ.

މަރުވެފައި އޮތް މީހާ ފެނުނު އެސަރަހައްދުގެ އުތުރުން އޮންނަނީ، ގިނަ އަދަދެއްގެ ކަންނެލި ދޯނި ފަހަރު އަޅާފައި އޮންނަ ހުޅުމާލެ ކަންނެލި ޖެޓީއެވެ.