ސޫދާނު ހަނގުރާމައިން ސަލާމަތްވުމަށް ސޫދާނުގެ ޢާއިލާތަކުން މިސްރަށް ވަނުމަށް ރަތްކަނޑުގެ ބަނދަރުސިޓީއެއްގައިވާ ބޯޑަރ ކްރޮސިންގއަށް ޖަމާވާންފަށައިފިއެވެ.

ބޯޑަރު ހުރަސްކޮށް މިޞްރަށް ވަނުމަށް ބޭނުންވާ މީހުންގެ އަދަދު ގިނަވެ، އެތައް ސަތޭކަ ބަޔަކު ވަނީ ކެއިން ބުއިމާއި ޞަރޫރީ ބޭނުންތައް ފުއްދޭނެ ގޮތެއް ނެތި ދިގު ކިއޫތަކުގައި މަޑުކުރަން ޖެހިފައެވެ. 

ވެރިރަށް ޚާތޫމްގައި ގަދައަށް ހަމަލާ ބަދަލުކުރުންތައް ކުރިޔަށް ދިޔުމަށްފަހު އިއްޔެ ވަނީ ކޮންމެވެސް މިންވަރަކަށް ހަމަލާ ބަދަލުކުރުންތައް މަޑުޖައްސާލާފައެވެ. ހަނގުރާމައިގެ ސަބަބުން ވެރިރަށުން އެތައް ހާސް ބަޔަކު ނުކުންނަމުންދާއިރު، ޚާތޫމްގެ ހާލަތު ގޯސް ކަމަށާއި، ކާނާ އާއި ބޯފެނަށް އެސިޓީ ޖެހިއްޖެ ކަމުގައިވެސް ޚަބަރުތައް ބުނެއެވެ.

މީގެ އިތުރުން ޚާތޫމްއިން ބޭރަށް ކުރާ ބަސް ދަތުރުތަކާއި ޓެކްސީ ދަތުރުތަކުގެ އަގުވެސް ވަނީ އިންތިހާއަށް މައްޗަށް ގޮސްފައެވެ.

އދ.ގެ ސެކްރެޓަރީ ޖެނެރަލް އެންޓޯނިއޯ ގުޓަރޭޒް ވަނީ، ސޫދާން ހަނގުރާމަ ފުޅާވެ ސަރަހައްދުގެ ޤައުމުތަކަށްވެސް ނުރައްކާވެދާނެ ކަމުގެ އިންޒާރު ކުރައްވާފައެވެ.